Tl cheder dla mostra “Nosc uciei” tl Tublà da Nives, nvieia la Lia Uciei Gherdëina a na jita.
N se anconta n lunesc, ai 1 de mei 2024 dala 8:00 daduman dan l Tublà da Nives te Sëlva, per jì deberieda su per la "Buja dala Sia" de viers dl luech da Larciunëi. Da iló jons su per Greva passan sëura l lech dl Tina dlongia i biei mures a sëch su de viers de Daunëi. Ruvei sa La Roes jons pona ite per la stazions che porta te Val passan via la Stales, ulache n vëij la rondules da crëp che fej coa, y pona nfin ite pra la capela de Val. Da iló pions inò ora de viers dl luech de Curzelon dlongia l pitl biotop (paluch de Tubia) nfin ora da Cëdepuent y via y ora per i prei da Nives nfin pra l Tublà da Nives. Ntëur la 11:00 sarons iló.
Daldò ti cialerons ala mostra “Nosc uciei” y menon tres la mostra spiegan i lëures.
Per deplù nfurmazions: mob. +39 339 782 7051, www.uciei.it