Giaurida: n merdi, ai 16 de utober 2018 dala 20:30
Ntroduzion: dr. Lukas Plancker, Zenz Peristi

Orar dla mostra: da merd a dumënia dala 16:00 nchin ala 19:00
Sada y dumënia nce danmesdì dala 10:00 nchin ala 12:00
De lunesc y ai 01.11 (Unissant) iel stlut.

Chëst ann iel avisa 75 ani ca che l scultëur Vinzenz Peristi ie mort. Per chësta ucajion vëniel metù a jì tl Tublà da Nives na mostra n si memoria. Vinzenz fova nasciù dl 1909 sun l luech da Banch sa Sacun. Si prima furmazion artistica a Vinzenz giapà tla Scola de Ert de Sëlva to ani 1923/24 y 1924/25) Si maester ie stat Albino Pitscheider. Daldò iel jit a lauré  tla bestot  de Rudolf Vallazza a Urtijëi. L ann 1928 àl venciù a Milan l cuncors “Presepio in famiglia” cun na si gran cripl. Do avëi fat l saudé a Roma se lascia el ju coche scultëur te cësa di siei sa Sacun.
Sensazion à zënzauter descedà l gran crist che Vinzenz ova ziplà deberieda cun Batista Walpoth ntan l instà dl 1933, che ie pona metù sun Sëurasas. Ël mpera a cunëscer per cajo l scultëur Josef Thorak, artist ufiziel statel al tëmp de Hitler. Vinzenz tol la dezijion de jì a viver, studië y a lauré a Minca. Dl 1942 vëniel cherdà pra i saudeies y mor sun la front russa ai 25 de jené dl 1943