Sara Welponer

Nachtgarten

06/03/2015 - 06/04/2015

Vernissage: 06.03 2015 dala 20:00

Ntroduzion: dr.a Lisa Trockner
Intermezzo: Valeria Mussner (flaut), Verena Felderer (erpa)

Orar de giaurida:

Uni di dala 10:00 ala 12:00 y dala 16:00 ala 19:00. Sada stlut.

La mostra dal titul "Nachtgarten" (verzon dla nuet) tòl ite na cumpëida de dessënies de gran format y chedri realisei ti ultimi cater ani. L tema prinzipel ie la natura, ududa nia me sciche paesaje o habitat primèr y inuzënt, ma nce sciche natura nteriëura che se manifestea dantaldut tres sëmies y intuizions.
La prejënzes umanes, animales, vegetales y minerales ie ntercedes y ntravaiëdes te tableaux zënza destinzion gerarchica dla spezies. Pultrec de minerai se mescëida cun chëi de creatures vives; paesajes minims de lichens se slergia ora dlongia formes de tieres che cuntën i spirc de autra formes; corps de sas generea la vita y corps vives se muda te minerai.
N verzon dla nuet, metamorfosa dla formes y dl spirt che l caraterisea, ulache la simbiosa y la giamiëda de elemënc organichs y anorganichs raprejënta l raport danter la spezies desferëntes y, plu n generel, de dut chël che ie.
Sara Welponer vif y lëura a Urtijëi.