Julia Runggaldier

”Birds of unfeigned gardens”

17/03/2018 - 02/04/2018

Giaurida, n vënderdi ai 16 de merz 2018 dala 20:00.
Ntroduzion artistica: David Lardschneider

Orar dla mostra: uni di dala 16:00 ala 19:00 (nchin ai 2.4.2018)

Julia Runggaldier ie nasciuda ai 12 d’utober dl 1993 a Persenon; ëila viv y lëura a S. Cristina. Do la scola mesana fejela la Scola d’Ert “Cademia” a Urtijëi. Riësc capëscela che la à crì ora la drëta scola; sté ëures a dessenië y depënjer ti dà gran sodesfazion y dé sprescion a si creatività devënta na si gran pascion. Tl tëmp liede provela ora d’autra tecniches lauran cun la china (Tusche), acuarel y uele sun tëila. Bel plan madurësc nce na si maniera de fé ert, la abina mpue n si stil y si dessënies y pitures mostra su na gran particularità.
Tla mostra “Birds of unfeigned gardens” vën a lum la senzierità dl corp desnut, na realtà che mostra su nce la mperfezion y che possa plajëi o nce nia plajëi. I dessënies respiedlea i mumënc dla vita, na senzierità senteda ite te n “verzon” de culëures.  Se fé n pensier y fé pensé do, chël ie chël che l’artista ulëssa arjonjer cun si ert.