SUSTËNI PER L’ERT
Nchin ai 29 de setëmber 2020 iel mesum fé dumanda per na suvenzion COVID19 per artistes y artisć prufescionisć liedesc.
L sustëni una tantum de euro 2.000,00 possa unì adurvà per realisé scumenciaidives cultureles y artistiches, proiec culturei online y proiec creatives (p.ej. proiec de produzion leterera da pert de autëures, proiec de composizion da pert de musizisć y musizistes o nce proiec de nrescida culturela). L fin dla scumenciadiva ie de dé la puscibltà de mëter a jì de plu manifestazions cultureles te de plu pertes dl Südtirol.
 
Nfurmazions plu avisa sot a chësc link: http://www.provinzia.bz.it/la/sorvisc-a-z.asp?bnsv_svid=1036144
 
L ie unì metù a desposizion na milion de euro per duta trëi repartizions cultura.





LAURINA PAPERINA

She Came from Beyond Space

22/07/2020 - 05/08/2020

Giaurida 21.07.2020 - 20:00

Salut: Esther Videsott, art-director
Ntroduzione artistica: Camilla Nacci
Intermezzo: Marion Moroder

22.07. - 05.08.2020

Uni di: 16:00 - 19:00 / Dumënia, merdi, mierculdi y vënderdi: 20:30 - 22:00
Lunesc stlut

Tla mostra studieda ora per l Tublà da Nives se giamieia ju sezions defrëntes che curespuend a mumënc defrënc dl’opra de Laurina: da n bënunì figuratif, ulache opres sun tëila o sun papier conta dl nmaginer dl’artista, tomen ite tl audiovisif che mostra intermitënzes de video-animazions, per pona ruvé pra i “saudeies de mauta cueta” fac de scultures permò nasciudes che porta i personajes de Laurina Paperina tla terza dimenscion. Ala fin dla finedes coche scincunda per l Tublà y per la curnisc da mont che la tol su, uniral metù ora na culezion de chertes da mont da zacan lauredes ora dal’artista.

Laurina Paperina (Rovereto, 1980) se muev da for sun n orizont culturel amez ite danter l mond dl cartoon, dl fumet y dla cultura pop, dajan vita a n’ert sarcastica y ironica. Se nuzan de na gran cumpëida de suporc y mesuns, coche chedri, dessënies, nstalazions de scultura, murales y animazions, mostra Laurina Paperina l mond tres n filter de humor sterch y che tol ca. L’artista à fat pea pra n grum de mostres publiches y privates te n ntëurvia internazionel y à dat vita a proiec y publicazions. De gra ala gran fazion comunicativa de si ert ala abù nce culaburazions extra te cuntesć nia cunvenzionei, sciche cun cëses de moda, firmes, musicisć y monce cun l team Moto3 SRT VR46.

ROBERT BOSISIO

Inneres/äusseres Interiore/esteriore

13/08/2020 - 30/08/2020 | 1:00

Giaurida: 12.08.2020 - 20:00

Ntroduzion: Doris Ghetta
Intermezzo: Tel Tipes

Mostra: 13.08. - 30.08.2020

Uni di: 16:00 - 19:00
Dumënia, merdi, mierculdi y vënderdi   : 20:30 - 22:30
Lunesc stlut