Fins dla lia culturela "Tublà da Nives"

L zënter culturel se tol dant de ti dé lerch a manifestazions cultureles sciche mostres de ert persuneles o coletives, reprejentazions de vel’ argumënt, storiches, scientifiches o scientifich-natureles, prejentazions, cunferënzes, simposiums, manifestazions artistiches, letereres, de mujiga, film o cinematografiches y multimedieles. Tlo possel nce unì metù a jì ancuntedes danter cumëmbri y d’autra assoziazions cultureles per l’ucajion de vel’ festa y d’autri mumënc de mpurtanza. L ie oradechël mesun lauré deberieda cun galaries d’ert y museums d’ert sciche nce de mëter a jì deberieda proiec culturei cun scoles y istituzions publiches.

Fundazion dla lia culturela "Tublà da Nives"

Ai 23 de auril 2012 iel unì metù su la "Lia culturela Tublà da Nives", ai 7 de lugio 2012 iel pona unì lità l cunsëi diretif y l presidënt, ai 27 de agost 2012 iel nce unì numinà l cunsëi scientifich y dopro l "art director" tla persona dl dr. Leo Senoner.

Cunsëi diretif

  • Dr. Leo Senoner (presidënt)
  • Georg Mussner (vizepresidënt)
  • Dr. Lukas Plancker
  • Leo Ferdinand Demetz
  • Andreas Moroder
  • Fabio Bernardi

Cunsëi scientifich

L lëur de chisc doi cunsëies à na gran mpurtanza per l "Tublà da Nives". Ëi mët a jì la manifestazions cultureles y artistiches sciche mostres, sëires de mujiga, manifestazions letereres, descuscions, scumenciadives per i jëuni y nsci inant. La doi grupes de lëur resta te si ncëria per trëi ani y se tol dant de ti dé mpuls ala vita culturela dla cumenanza te Gherdëina.

  • Greta Langgartner (Art Director)
  • Gehard Demetz (artist)
  • Gerald Moroder (artist)
  • Leonora Prugger (artist)
  • Willy Verginer (artist)

Dancà da man ciancia: Andreas Moroder, Leo Senoner (presidënt), Fabio Bernardi, Georg Mussner, Leo F. Demetz.
Dovia da man ciancia: Willy Verginer, Gerald Moroder, Greta Langgartner (Art director), Leonora Prugger, Gehard Demetz y Lukas Plancker.