27.06.2026 -
26.07.2026
Vernissage
26.06.2026
20:00
27.06.2026 -
26.07.2026
Vernissage
26.06.2026
20:00
16.05.2026 -
11.06.2026
Mostra culetiva n culaurazion cun EPL - Ert por i Ladins
Performance artistica: Lucia Piccolruaz y Mattia Maldonado
DJ-Set: Marco O - Musiga da sbunf
La lerch por l'ert é dagnora massa pücia,
ince sce gonot dal strënt nascel n'odüda plü leria.
(Sam Anvidalfarëi)
Sarál mo 31,1246667 assá?
EPL - Ert por i ladins
L'union culturela de ulentariat à dal 1960 incá na funzion y miscion artistica, leterera y mujichela che se respidlea tla trëi sezions dl statut: ert figurativa, scritura y cors sacrai. Te passa 60 ani de atività tla Val Badia y oradecà iel unì metù a jì desëines de mostres culetives y proiec de grupa, coche nce dat ora 42 publicazions dla edizion "Rezia" y 62 "Calëndri Ladins" y n CD de mujiga. www.ladinart.org.
Daviert uni di ora dl lunesc dala 16.00 ala 19.00
Inaugurazion: 06.03.2026 - ore 18:00
Ntroduzion: Peter Demetz y Martina Rier
Buffet: Hotel Biancaneve
Daviert dai 07.03. ai 05.04.2026
Daviert uni di ora dl lunesc dala 16.00 ala 19.00.
Stlut nce n Vënderdi Sant, ai 03.04.2026.
BERGWELTEN
Ewa Jönsson Hörtnagl
Paesajes da mont
La pitura de Ewa Jönsson Hörtnagl se mët ite te na tradizion storich-artistica de cartografia dla memoria y dl’esperienza vivuda, te n mond destinà a passé.
Bergwelten ie na lingia de operes che ie basedes sun la medema fundamënta sciche nce i autri lëures dl’artista. Na secuenza de cuntredes, che auza ora l lëur dl giavé, dl jì sot a deplù strac, dl crì de un o deplù zëntri.
La mont nstëssa ie avisa la medema massa de lecorc metui via, che se cunzentrea sedimënt sun sedimënt te na forma stluta y che semea cumpata. Ma savon che la piera, avisa sciche i lëns, custedësc d’uni sort de aniei y viv duc i tëmps te na maniera simultana.
L’artista lëura cun ntenzion ala bona y cun na udleda sciorfa. Si tecnica strat-sun-strat fej deventé l tëmp n valor cuncret. La cromatica suënz da revin y da tiera sotrissea chësta carateristica, reprejentan l ciaut y la vita, ma ie nce sëni de n sté chiet, de n mudamënt o de n pruzes de descumpusizion. A chësta maniera devënta la pitures testemunianzes dl tëmp che ne se lascia nia tenì su. Memoria y esperienza ne smarësc nia mé te si forma uriginela, ma se muda tla forma y tl carater.
Canche on l privilegh de pudëi vijité per n struf la sfera dla memoria de zachei d’autri, nascel naturalmënter l dejider de rënder vifs nce nosc lecorc. Povester scumëncia l usservadëur a ejaminé i reperc che vën a lum, i nterpretan per sé nstës sciche sënies ciariei de senificat. A chësta maniera possun mëter man a “liejer” la pitures te si rujeneda zënza paroles, plëns de nfurmazions, emozions y sucrëc. Na poejia misteriëusa, che se damanda tëmp, sce n ie a una de se lascé ite.
Johanna Gredfors Ottesen, critica d'ert
Ewa Jönsson Hörtnagl,
nasciuda tl 1950 a Helsingborg, Svezia. À studià pitura, grafica y fotografia a Viena tla Akademie für Angewandte Kunst y daldò pitura pra l prof. Oswald Oberhuber.
Ëila viv y lëura tla Svezia y tl Tirol coche molera, grafichera, designer y realisea proiec artistics per sperses publiches.
Si lëures ie stac da udëi te truepa mostres persuneles y culetives nternaziuneles, fieres d’ert, galeries privates y sales d’esposizion.
Ewa Jönsson Hörtnagl à nce laurà per teater y film, se cruzian de scenografia y costums y ie curadëura di libri de fotografia "to be a man" y "Unforgettable - Unforgotten" de Erich Hörtnagl.
13.12.2025 -
25.01.2026
Giaurida n vënderdi ai 12 de dezëmber dala 4 domesdi.
Ntroduzion: Pauli Senoner, moderazion: Martina Rier
Ntan la giaurida puderan giapé l stempl speziel dla Posta.
La Lia di
Filatelisć, numismatich y vedla chertes se prejënta tla sales dl Tublà da Nives
cun na mostra dedicheda ala garejedes de schi che ie states te Gherdëina. Sce la prima
garejedes de schi fova unides metudes a jì bele l ann 1908, pona à dessegur la “VIª Adunata dei Valligiani” dl ann 1925 na gran mpurtanza. Do avisa 100 ani
vën chësta prima garejeda naziunela te Gherdëina documenteda tlo cun de gran
fotografies y articuli dla zaites da ntlëuta. Na gran lerch
giapa sambën nce i campionac dl mond de schi alpin te Gherdëina tl ann 1970.
Tlo vëniel mustrà fotografies, articuli dla zaites y nce material numismatich y
filatelich. Na storia
longia à la garejedes de Copa dl Mond, uni ann, dal 1969 incà. Y no da desmincé
ne n’ie la finela parallela dan 50 ani da Ronc ju, de merz 1975. N valor
storich, ma nce artistich à pona mo na lingia de fotografies tlamedes ‘land
art‘. A chësta maniera mostra la Lia di Colezionisć ciuna che ie la pascion de crì,
cialé de abiné, baraté, tué do y nrescì.
Zeche de nuef
ie l stempl speziel dla Posta, che n giapa pra la giaurida dla mostra.
La mostra vën a se l dé cun l sustëni dl Saslong Classic Club, dl Cunsorz di mplanc portamont Gherdëina-Mont de Sëuc, da Dolomites Val Gardena y dal Cunsëi de Furmazion de Santa Cristina.
Orar: dai 13 de dezëmber nchin ai 25 de jené 2026, uni di dala 16:00 nchin ala 19:00. N la Ueia de Nadel (24.12.), n San Silvester (31.12.) y de lunesc resta la mostra stluta.
Giaurida: 23.10.2025 - 20.00
Prejentazion: Isabella Mussner, Sofia Stuflesser, Aaron Demez, Laurin Moroder
Moderazion: Martina Rier
L cianta y sona: Vidalong, Tel Tipes
Prejentazion dl Portal Ladin y mostra sun la ciantia ladina
Ti mumënc de tëmp liede, pra ativiteies
de ulentariat de lies d’uni sort, pra la festes, mësses o cunzerc, o suvënz
canche persones privates urganisea zeche, pudons abadé coche l tudësch o nce l
talian à la sëuravënta sëura l ladin, scebën che i urganisadëures ie de
rujeneda dl’oma ladina. L ie donca nasciù l’idea de giaurì n portal
ladin che tën cont de duta la ressurses per ladin, de duc i materiai, cuntenuc,
stories, mujiga… Na luegia ulache n abina saurì y aslune dut chël che n chier,
dut chël che ie per ladin, y tlo iel minà n proiet interladin.
Dal 2020 inant à la Union di Ladins de
Gherdëina, tres n gran lëur de ulentariat, n culaurazion cun grupes de mujiga,
cores y ulenteres digitalisà ntëur a 800 cianties ladines che n possa śën
liejer, scuté su, suné y cianté do sun https://www.portal-ladin.net/.
L se trata dantaldut de cianties per gherdëina, ma nce de vel’ ciantia ti autri
idioms. Man man unirà pona l Portal Ladin nce slargià ora al’autra valedes
ladines.
La prima pert dl Portal Ladin unirà
ufizialmënter prejenteda tl cheder dla mostra "Audide, audide..." tl Tublà da Nives. Te chësta
mostra metuda a jì dala Union di Ladins de Gherdëina y dala Lia culturela Tublà da
Nives puderan scuté su y liejer truepa cianties da zacan y d’al didancuei.
Orares de giaurida:
Uni di dala 15.00 ala 18.00
De lunesc y n Unissant ai 01.11. iel stlut
Tulëde pea vosc auriculeres per scuté su la cianties
Finissage: 29.11.2025 - 20.00
Cunzert cun Chëifree Jazz, Panda la 9
Ntreda liedia. Prëibel se nuté su danora: info@tubladanives.it
13.09.2025 -
12.10.2025
Giaurida: 12.09.2025 - 20.00
Ntroduzion: Gabriele Lorenzoni
Intermezzo: Erwin Moroder
Buffet: Hotel Rodella
La mostra prejënta la fasa atuela dl’atività artistica de Maurizio Ciancia dal 2016 incà.
Tema dl lëur ie la crida persunela dl “Uet”, Uet, ntendù sciche dimenscion intima te chëla che l ie mesun giaté ordn, balanz y chiet, sciche redëus al “de massa” dla vita da uni di. Per reprejenté chësc cunzet de Uet, adrova Ciancia la metafora dla Lerch. I motives de si fotografies ie donca cuntesć architetonics, che vën reprejentei tres n schema linguistich laurà ora ti ani de svilup de chësc proiet.
Nce la lerch d’esposizion giapa na gran mpurtanza tla prejentazion di lëures: la linies tleres y la formes reguleres crieia n cuntest che se pieta a puntin per mëter ora l’operes, sotrissan la ntenzion linguistica de crië n ambient istalatif unich, te chël che l vijitadëur possa avëi la sensazion de jì ite fisicamënter tl pensier che Maurizio Ciancia uel comuniché.
I lëures metui ora te chësta mostra fej pert dla fasa atuela dla nrescida dl artist. La gran lerch lascia pro de mëter ora nce na pitla selezion de operes realisedes al scumenciamënt de chësta fasa, istalazions realisedes l ann 2017. L fin ie chël, de partì cui vijitadëures l’evoluzion dl’udleda y dla rujeneda tres i ani. Tl partimënt basite iel da udëi lëures realisei danter l 2020 y l 2023, ntan che la sales suaut ie defin dedichedes ai lëures plu nueves dl 2025. La stampes ie de Stefano Col.
Tla mostra iel nce udù dant n cianton dedicà ala proiezion de n video, realisà n ucajion dla manifestazion Narrazioni Spaziali, metù a jì da MAKE Spazio Espositivo tl cheder dla studio GEZA Architettura. La imajes ie acumpaniedes dala sonorisazions de Luca Colussi.
Orares de giaurida:
Uni di dala 16.00 ala 19.00
Lunesc stlut
Video sun l lëur de Maurizio Ciancia
10.08.2025 -
07.09.2025
Giaurida: 09.08.2025 - 18:00
Ntroduzion artistica: Marta Banci y Emanuele Lamaro
Buffet: Hotel Continental
Artistes y artisć
che mët ora:
Alessandra Carloni - Armin Grunt - Chelita
Zuckermann - Hubert Mussner - Ivan Lardschneider - Mario Ricci -
Matthias Kostner - Silvia Scaringella - Walter Pancheri
“NATURAL-MENTE”
nasc dal dejider de jì sot tl liam strënt y zite danter la persona y la natura.
Na relazion sotmetuda a mudazions y che arjonj tla reflescions d’al didancuei
na funzion for plu zentrela – danter crisa ambientela y l scuvierjer da nuef dl
organich, danter tecnologia y l bujën de crì si ravises. La mostra coletiva mët
adum nuef artisć cuntemporans, che vën da cuntesć, sperienzes y manieres
d’esprescion desvalives, ma liei dala medema ghiranza: chëla, de dé de reviers,
tres la scultura y pitura, na vijion persunela y poetica de nosta relazion cul
mond naturel. Doi anes s’anconta sul percurs d’esposizion: da una na pert la
scultura, lieda ala tradizion de Gherdëina, bona de ciancé te na forma cie che
vivù tres sperienzes fates y si tenscion de viers dla natura; dal’autra pert la
pitura, che vën da regions desvalives dla Talia, che va ala descurida de
cuntredes nmaginedes, metamorfoses simboliches y vijions oniriches. I lëures, n
gran pert site-specific, vën adum te n dialogh danter materia y nmaginazion,
memoria y trasfurmazion. L resultat ie n viac imersif, che ne dà deguna
repsostes, ma fej dumandes: cie post tol pa ite la persona tla natura? Y la
natura, te nëus?
ORARS DE GIAURIDA
Daviert uni di dala 16:00
ala 19:00.
Merdi, mierculdi y vënderdi nce dala 20:00 ala 22:00
Lunesc stlut.
GIAURIDA
Ntroduzione artistica: Danila Serafini
Intermezzo: Acajo
Buffet: Hotel Mignon
La mostra prejënta i prims doi ani dl viac da turnadëur
de Andreas Senoner. L ie da udëi pec turnei de uni grandëza cun formes scëmples y nëtes.
L lëur per
realisé n pez scumëncia per Senoner bele giut dan mëter l toch de lën sun la
turnadëcia. Ël va gën nstës ncantëur, dai paures o tl bosch, a se crì ora l lën
per si lëures. Gran pert dl leniam che ël adrova per turné abinel perchël ti
raions ntëurvia, datrai se tolel pea vel’ pez nce da si viages plu dalonc. L’ispirazion
per la formes y i culëures de si pec, ti vën a Andreas Senoner n gran pert dala
natura nstëssa. Vel’ pez metù ora ie unì brujà y d’autri ie unic tratei te
manieres desferëntes, ma mpo: i à n cialé ora defin naturel. N se ntënd,
che l artist ie bon de ti dé valor al toch de lën, a si carateristiches
natureles. La forma, l culëur y la vëta: dut ie mo da udëi ti lëures finei de
Senoner, lëures che conta nscila nce na storia: la storia dl lën da chëi che i
ie nasciui.
Andreas
Senoner ie nasciù tl 1962 te Sëlva. Cun 14 ani iel jit a mparé l mestier da
marangon da n moster. Te berstot ie nasciuda la gran pascion per l lën, na
pascion che ie chersciuda for plu y plu. I lëns, si formes y culëures à per ël na gran faszinazion, unfat sce l ie da
mont su o de viac, a pé o cun la roda. Si grandëza, coche i crësc, si rames
ntortes, si forza y la vita che ie ti lëns laite descëida for inò la marueia tl
artist. Da chësta pascion ie nasciuda l’idea de ulëi mparé a turné. Nsci se à Andreas
Senoner, canche l ie jit n pension, cumprà na turnadëcia, se ntendan riesc, che
l à abinà l sie. “L me sa bel a udëi coche l toch de lën che é crì ora se muda
man man che l torne. Mi esperienza da marangon me juda dassënn a cunëscer la
carateristica dl lën y a capì cie che posse fé dainora” nsci l artist.
ORARS DE GIAURIDA
Daviert uni di dala 16:00 ala 19:00.
Merdi, mierculdi y vënderdi nce dala 20:00 ala 22:00
Lunesc stlut.
Ntroduzion: Magdalena Messner, diretëura Messner Mountain Museum
Daviert uni di ora dl lunesc dala 16.00 ala 19.00
Dut ie cunlià
La mostra LACORDA02 se taca ite al’opera plu pruvocanta
de Hubert Kostner, Sasmujel, realiseda tl 2019 tl cheder dl Festival Transart. Tl
giaron dla furcela de Saslonch, a n’autëza de 2.400 metri, ie n crëp liede de
zirca 4x5x6 metri unì balucà ite cun 10.500 metri de cordes da jì a crëp, n
majera pert rezitledes. Do n ann ie l puron de Dolomit inò unì deliberà dal
artist. Na pert dla cordes dl Sasmujel ie da abiné tla mostra LACORDA02.
I resć sun fonz dla spersa d’esposizion lascia pensé a n
tëmp passà, a reperc archeologics. La nstalazion dinamica sun fonz ie l elemënt
zentrel y nce l material ora de chël che l ie unì realisà l’autra scultures y
lëures metui ora. Ora di toc de corda dl Sasmujel nascel dal 2021 incà for inò
operes nueves, lëures che vën numerei damprovia aldò dl tëmp dla criazion. Tla scultures pierd la cordes si natura flescibla y vën fermedes te posizions
statiches, che Kostner cumbinea cun grifs artifiziei, coche n i cunësc dala palestres
d’arpizeda.
Cun si rujeneda vijiva y formela astrata, ie la mostra
LACORDA02 sinonim dla formes desvalives de liams soziei y danter la persones,
che possa vester strënc sciche n grop, ma nce liedesc, duré na vita o nce mé n
mumënt, stersc o ala zibla. Ududa te n majer cuntest reprejentea la mostra l
bracion de mpurtanza vitela danter la natura y la persona y la respunsabltà che
nëus on per chësc.
Trasfurmazions,
svilups y mudamënc ie na pert zentrela dl lëur artistich de Hubert Kostner
(*1971). Materiai y cosses che vën dal ambient dl artist vën destachei da si
cuntest cunvenzionel y giapa n senificat nuef. Si pont de ududa persunel anconta
la realtà da uni di cun na sensibltà delicata. I lëures de Kostner ne uel nia
acusé, ma se muev plutosc te n ambient de ironia, che ne uel nia a uni maniera
recunzilië. Te si lëures se tratla dantaldut de abiné i drë’ senificac do la
cultrines de na vijion idealiseda dl mond y de nderzé nosta vijion dla realtà.
10.05.2025 -
30.05.2025
Daviert uni di ora dl lunesc dala 16.00 ala 19.00
Siegfried Irsara ie nasciù ai 21 de dezëmber dl ann 1927
y ie chersciù su sun l luech da paur Ciampidel a Antermoia tla Val Badia. Ël
fova l plu vedl de set mutons. Cun 21 ani fovel ruvà te Gherdëina per crì da
lëur y tlo iel restà.
Ël à dedicà na vita ntiera al lëur da tistler, n iede
sciche prufescion y pona sciche pascion. Monce cun 90 y passa ani jivel drët
suvënz y drët gën te si berstot ju n ciulé a fé d'uni sort de miniatures che reprejentova
la vita da zacan, l lëur da paur, che ël cunesciova drët bën. Chësta miniatures
che ël à lascià ie na testemunianza de valor y na documentazion storica de
coche fova la vita te nosta valedes dan cënt ani.
I modiei fajovel do si lecorc da pitl, nsci ovel fat do l
mulin de si ncësa n scala 1:10, dut adamënz! La stala, na luesa da corni, na
calés cun ciaval, restiei, pëighes, pënesc, ërces... dut cant univa ispirà dai
biei lecorc che bera Siegfried ova de si familia, lecurdanzes che ti stajova scialdi
a cuer.
Duta chësta miniatures fova lauredes ora nfin tl mënder
detail, dut scialdi apuntin, ël ziplova nce duta la njinies che fova ntlëuta te
cësadafuech, te standegun, te stala, te medel samont, te mulin.
Chësta truepa miniatures (plu de 60) al nce pudù mustré
te deplù mostres a Urtijëi (2014), ma nce a Sterzing, a Steinhaus tl Ahrntal y
nchinamei a Palestrina dlongia Roma.
Bera Siegfried Irsara à tëut cumià da chësc mond ai 10 de
fauré 2020 cun 92 ani.
Inaugurazion vënderdi, ai 28 de fauré 2025 dala 18.00
Ntroduzion: Ingrid Runggaldier
Daviert uni di ora dl lunesc dala 15.00 ala 18.00
Crëps / Montagne / Berge
Riccarda de Eccher (*1954) nasc a Bulsan. Canche la à diesc ani, va si familia a sté tl Friul.
L nchersciadum do la montes la porta a fé n curs de arpizeda canche la à 18 ani. La scumëncia a fé arpizedes tla Elpes Carniches y Iuliches, ma nce tla Dolomites, cun chëles che la à n liam particuler.
Per n diesc ani se dedichea Riccarda de Eccher al’arpizeda, fajan vies nfin al sesto grado de deficultà, giaurian vies nueves y fajan pea spedizions nce ora dl’Europa. Te età madura scumëncela a se dé ju cun la pitura tla tecnica a acuarel. La montes y i crëps devënta l motif prinzipel de si lëures. La Elpes y particularmënter la Dolomites devënta prutagonistes dla vijion te depënc, che per la natura dla tecnica sons usei a udëi te de mëndri formac. Ti lëures de Riccarda de Eccher tol i crëps ite duta la spersa dl cheder, nsci che chiche ti cëla vën trat ite defin tla panoramica vijiva.
L ann 2006 mëtela ora si pitures per l prim iede t’Ampëz y daldò vëniel metù a jì mostres sibe tl’Europa (tla Talia, Franzia, Nghiltiera, Slovenia), sibe ti Stac Unii. Deberieda cun deplù autëures iel unit a se l dé de pitla publicazions. Ëila viv danter la Talia y I Stac Unii.
Inaugurazion 25.01.2025 dala 20:00
Daviert uni di ora dl lunesc dala 15:00 ala 18:00
L proiet
“TRÄUME // VANISHING” va ite sot tl cuer de na generazion che se mët a cunfront
cun n contest vivù te na maniera for plu desvaliva y nia definida che se muda
tresora. L obietif ie chël de descurì l cuntat dla trasfurmazion dl cuntemporan,
cul mëter al luster la ndesfidedes persuneles y culetives che spëisa la dejilujion
per l daunì. Te n tëmp ulache la segurëzes semea se desfanté, muessa la persona
se lascé mé sun si esperienza persunela y, cun gran tribulazion, purvé a ti dé
n senificat a na sozietà fluida y zënza ravises de identità.
Tres na esposizion
vijiva, metuda ora coche instalazion y sperimentazion, sotrissea l proiet la sfëntes
y la irgulariteies che caraterisea nosc tëmp analisan la relazions che ie danter
persona y pluralità, sulentum y culetività, binomes che porta ala definizion
totala de na generazion dejengianeda che se muev danter flistres de realtà, ti
jan permez a si tëmes y melsegurëzes. Chisc lëures proa a mëter dant na paruda
coerënta de n mond che muda do a do.
Chësc proiet ne ie nia mé na reprejentazion
estetica, ma l uel descedé tl spetadëur la ueia de pensé do, a na maniera
ativa, sun chël che ie si pert te n contest senester. L ie n nvit a definì da nuef
l raport cun la realtà che ie ntëurvia, cul recunëscer la fluidità sciche na
carateristica che fej pert de nosc tëmp y cul abiné ora modaliteies nueves per se
fé na identità. “TRÄUME // VANISHING” uel vester na pert sterscia y sota de na
generazion carateriseda da pesimënzes y melsegurëzes, che uel giaté dimenscions
nueves ulà pudëi sté y abiné ora si identità.
20.10.2024 -
10.11.2024
Ntroduzion: Ursula Panhans-Bühler
Uni di dala 16:00 - 19:00
Lunesc stlut
Buffet: Cafè Karin
Sperses, ntercedes digitalmënter
Manieres analoghes de lauré imajes coche pitura y dessëni, la stampa tradiziunela y l zeluloid per fotografies y filmes ie tëmp de puec ani unides sburdledes da na pert dala imajes digiteles.
Monc vijives digitei, unfat sce fac artifizialmënter o reprejentazions simuledes de dut cie che nes capitea dan l aparat da fé fotos, devënta mascaredes, suënz te forma de aluzinazion.
L lëur artistich de Andreas Linder se tol ora dala fotografia digitela mumënc y particuleres defin nueves, se basan sun la fundamëntes de nosta perzezion y memoria, che se fej lerch sciche oposizion y coretif te nosta maniera de to su mprescions.
Andreas Linder (*1977) à fat la scola d’ert a Urtijëi (sezion scultura) y à do chël stlut ju l stude de design dla comunicazion tl’Academia per design Bulsan, aldidancuei Università liedia de Bulsan y l master per “tecnologies nueves per l’ert” tl’Academia d’ert a Unieja. Si nrescida artistica se muef danter criazion, reproduzion y rezezion dla imaja.
Linder nsënia tl Lizeum d’ert Cademia a Urtijëi.
Ntroduzion: Lisa Trockner
Uni di dala 16:00 ala 19:00
Merdi, mierculdi y vënderdi nce dala 20:30 ala 22:30
Lunesc stlut
Buffet: Chalet Gerard
Cun la parola “introiezion” (dal latin intro = ‚dedite’ y iacere = ‚smaché’) ntënd la psicologia la carateristica dla persona de to su pensieres, sentimënc y manieres de cumpurtamënt de d’autri.
Per Sigmund Freud ie “introiezion” l azeté de vijions morales y de vita dla persones, cun chëles che mutons se identifichea.
Figures de mutons ie da for al zënter dla criazion artistica de Gehard Demetz. “Mutons se damanda da ulache l vën l bon y l mel y da ulache l vën cër cumpurtamënc, cun la cuscienza de pierder, canche i crësc, l fortl de recunëscer si subconsce, ma tl medem mumënt de arjonjer l mesun de cuntrolé si realtà” spiega Gehard Demetz. “Pënsi che l’afermazion de Boris Groys, che son n museum de gens, se spidlea dantaldut ti mutons nfin a ot ani. Per chësta rejon me nteressea dantaldut la fertilità y l potenzial criatif dla persona te si prim ani de vita, l tëmp, canche l carater ne ie mo nia furmà defin y dut possa mo se svilupé te na maniera liedia”.
Gehard Demetz (*1972) viv y lëura te Sëlva. Si scultures ie caraterisedes da na perfezion de marueia, che ne ie no retorica, no tlassica. Atratives y mpresciunëntes tl medem tëmp, descëida l’operes de Demetz bunder y faszinazion sun dut l mond.
Do si debut tl 2005 ie Gehard Demetz unì nvià a mëter ora si scultures te galeries renumendes y si lëures ie unic metui ora te truepa mostres y fieres d’ert, danter l auter tl MACRO a Roma, ti Stac Unii d’America (New York, Los Angeles, Miami), tla Spania, Germania y Corea, sun la Art Basel y tla Cina.
Ntroduzion: Marco Forni
Uni di 16:00 - 19:00
Merdi, mierculdi y vënderdi nce dala 20:00 - 22:00
Lunesc stlut
L dialogh ie
la fundamënta per na cunvivënza. L juda a ntënder y a respeté pruspetives
desvalives, l gëura orizonc nueves y mostra su ponc d’ududa alternatives. Nsci iel nce
ntan l dialogh danter persona y natura. Dé y to fossa pensà te na maniera
valiva, tl respet y cun cuscienza. Canche Armin
Grunt tol tla man la sia a motor, pona ti dà la natura dant la direzion. I
muvimënc dl scultëur ti va do cun slune y ntuizion ala vëta dl lën, ti dajan a
chësta maniera n’esprescion a cie che l material naturel à da cunté. L dialogh va
for inant. Y ntant se mudons tresora, da gën o zënza se ntënder, avisa coche l
se muda nce nosc ntëurvia. Dut se muev. Te ciuna direzion, ne savons mo nia.
Armin Grunt
(1969*) à fat la scola d’ert te Gherdëina y lëura dal 1992 incà coche artist
ndependënt. Ël ie cumëmber de UNIKA y à metù ora si lëures te deplù mostres,
tla Talia y nce oradecà. Armin Grunt à nce fat pea deplù cuncorsc de scultures
tla nëif y dlacia, danter l auter tl Canada, USA y Ruscia.
Ntroduzion: Lukas Plancker
Uni di 16:00 - 19:00
Lunesc stlut
Hugo Senoner possen zënzauter raté danter i
scultëures che à fat l percurs tlassich de furmazion te Gherdëina. L à fat la scola d’ert te Sëlva y à mparà pra
n moster, si berba Franz Senoner de Santuel. Do avëi arjont nstës l titul da moster, à Hugo
per truep ani alalongia ziplà a privac, fat mudiei a firmes y metù ora si
lëures deberieda cun d’autri scultëures, nsci danter l auter pra la prima
edizion de UNIKA. Ël ie cumëmber dla grupa artejanat artistich de Sëlva. Un n iede al nce vagà de fé na mostra persunela,
tl 2007 tla Blutenburg a Minca, nsci che chësta tlo tl Tublà da Nives ie la
segonda mostra persunela de Hugo Senoner, la prima te Gherdëina.
L’ert de Hugo Senoner ne se lascia nia drë
limité a una na tendënza, si ispirazion vën dal mond dla scultura, ma nce dala
pitura y architetura. Ti ultims 10 ani se tol Hugo for plu y plu la
lidëza de fé cie che ti sa bel. Te si berstot sperimenteiel for inò cun formes
d’esprescion defin persuneles. Caraterisedes da na gran uriginalità, ne chier
la figures nia la perfezion. L ie plutosc mumënc ora dla vita da uni di,
tenì fërmes tl lën: I lëures de Hugo Senoner ie pultrec che viv de si
spontaneità, che mostra su cun lesiereza situazions per s’la rì, ma nce da
pensé do. Tla mostra iel da udëi dantaldut chëst’ultima
operes, ma nce vel pez da plu da giut.
Orar dla mostra: uni di dala 16:00 nchin la 19:00
Lunesc: stlut
La scola n mostra. Unide a Ve lascé nmaruië dala mostra che la Scola Prufesciunela de Urtijёi à urganisà chёst ann tl Tublà da Nives te Sёlva! La mostra ti pieta ala studëntes y ai studёnc de nosta scola l’ucajon de mëter ora i resultac de si lёures, tla scultura tl lёn, tla decurazion pitorica, tl dessёni y tla pruietazion, tl mudelé tla mauta. Da udëi iel nce lёures fac sun l computer tla materia de aplicazion di media nueves. Sëuraprò saràl da udёi lёures ziplei dala jëunes y dai jёuni dl curs de spezialisazion de scultura. N valgun’opres caraterisea nce l lёur de grupa te tlas. Tres i lёures d’uni sort giaperёis n’idea de chёl che nosta scola pieta, per ti dé a nosta sculées y a nosc sculeies l mesun de lascé luné tres y desmustré si talёnt. La Scola prufesciunela per l artejanat artistich ti nsënia ai studënc la tradizion rica dl artejanat de Gherdëina. Tl nseniamënt vën valorisedes la cumpetënzes tradiziuneles dl artejanat, la cunescënzes tecniches, la criatività artistica y nce la inuvazion. Tla doi sezions dla scultura tl lën y dl depënjer tradiziunel/pitura decurativa possen arjonjer do l terzo ann l atestat de cualifica prufesciunela y do l 4. ann l diplom prufesciunel. Do l cuinto ann de scola, à i studënc l mesun de sustenì l ejam de Stat (l ejam de maduranza), che ti pieta la puscibltà de jì inant cun i studies tla universiteies y tl’academies desfrëntes.
Orar: Uni di ora dl lunesc dala 16:00 ala 19:00.
Artistes y artisć che fej pea: Rut Bernardi, Alberto Boschetti, Franz Canins, Caroline Comploi, Egon
Comploi, Arnold Holzknecht, Albert Moroder, Gustav Perathoner, Gregor
Prugger, Giuseppe Rumerio, Roland Senoner, Christian Verginer, Adolf
Vinatzer, Johannes Wassermann.
La Lia Uciei Gherdëina ie na lia jëuna che se dà ju cun i uciei, i tieres y la plantes. La finamira dla lia ie dantaldut chëla de mparé a cunëscer deberieda y stravardé nosta flora y fauna. La lia mët a jì jites y pruiec scientifics y d’auter. Chëst ann per l prim iede na mostra tl zënter culturel Tublà da Nives te Sëlva. Tres mesuns desferënc, opres de natura scientifica y d’ert, nfurmazions de utl, scultures y nstalazions, uel chësta mostra vester na imerscion da deplù pertes tl mond spetaculer y desferënt dl’ornitologia. L caleidoscop de culëures, l‘eleganza funziunela dla plumes y l udëi l mond dal ciel. La meludies dla migrazions, la coes y si stories y lijëndes ie tematiches a chëles che n uel nvië a pensé do. La mostra uel vester n jol de fantajia, ulache i vijitadëures possa ntënder la natura tres i uedli dl‘ert, ti mustran al mond y ti metan daujin la diverscità y la belëza di uciei. L dëssa nce vester n‘ucajion per se ispiré a na respunsabltà per mantenì chësta criatures tan faszinëntes y l habitat ulache les viv.
Uni di 15:00 - 18:00
Lunesc y 24.12. stlut
Artisc´ y artistes che mët ora: Anna Anvidalfarei, Manuel Bauer, Caroline Comploi, Manuel Dander, Felix Mahlknecht, Damian Piazza, Julia Prugger, Leonora Prugger, Elisa Rungger, Céline Silbernagl, Valeria Stuflesser, Tobias Tavella
Cunlaurazion danter Tublà da Nives y Südtiroler Künstlerbund.
La mostra "Genus:Dredia" se tol dant de se dé ju cun chësc tema y de ejaminé la fazion dla furmazion de tlaps ("Schwarmverhalten"). Per chësc fin iel unì nvià ite tres n cuncors 12 artistes y artisć che à si ravises te Gherdëina o tla Val Badia. La generazion jëuna (sota i 35 ani), prejënta si idées y operes cun mesuns desferënc, coche ogec, istalazions, depënc, dessënies y video.
La mostra ie unida cureda da Greta Langgartner y Lisa Trockner.
La mostra sarà da udëi nchin ai 18 de nuvëmber uni di (ora che de lunesc), dala 3 nchin ala 6 domesdi.
Ntroduzion: Markus Klammer
Buffet: Hotel Frëina
Uni di 16:00 – 19:00;
dumënia nce 10:00 – 12:00;
lunesc stlut
La valeda y l crëp, l parëi y la lergia, l ëur y l’ududa. L ruf, la sfëssa y l plat. L reél y l lecurdà, l mparà, la desvieda y l surëdl ti lëns.
L paesc y la zità. L daviert y l restrënt. L spere…
La destanza – l vis-à-vis. La luntananza y la longia streda. L fonz sota i piesc, l vedl y nuef. L lën y l lën. L puscibl, l cunliamënt. La tecnica, l crëscer… La man y l ntënder.
La vision, l tradiziunel. L cumplicà, l tëmp y i pensieres – l material. L fé, l ilusion. L costruì, l vënt y la lum tla dumbria dla nibles.
Cie che ne fova mei, ne sarà nce nia…
Uni di ora che lunesc dala 16:00 ala 19:00;
merdi, mierculdi y vënderdi dala 20:00 ala 22:00;
Fabrizio Senoner - Successo
Te si mostra persunela nrescieia “Biz” la natura ntravaieda y cuntrasteda dl suzes. L artist mët n discuscion nosta cunzezion y nvieia a nes fé dumandes sun la definizions cunvenzioneles y la aspetatives ntëur a chësc cunzet che mucia sot’ora. Senoner analisea la dicotomia danter l arjonjer l travert y l scumbat sucrët che se scuend do via. L unirà nce metudes a cuer très l ert, tematiches che reverda la sozietá y i argumënc de atualità cun chëi che n jëunn de Gherdëina se cunfruntea al di da ncuei. Nes lasceron ite te n viac polietric de nstalazions, depënc y performance che pea via da esperienzes persuneles dl artist.
Se ncunferton a ve de l bënuni te Tublà da Nives uni di ora de lunesc dala 16:00 ala 19:00. De merdi, mierculdi y venderdi nce dala 20:00 ala 22:00.
03.06.2023 -
01.07.2023
Vernissage:
Vënderdi 02.06.2023 - 20.00
Tesć de Miriam Unterthiner
03.06. - 01.07.2023
Uni di dala 15.00 alle 18.00
Lunesc stlut
25.05.2023 -
27.05.2023
L ne n’ie deguna regula che determinea la dureda de n pruzes creatif per ti dé forma a n’idea. Datrai se damandel ani, datrai bàstel n mumënt. Ti dis dal 25 al 27 de mei uniral a sl dé la segonda edizion de Match Art tl Tublà da Nives te Sëlva. Match Art ie n’ancunteda danter cater persones che lëura te ciamps creatifs y artisć de formes d’ert desferëntes che azetea la ndesfideda de laurè deberieda trëi dis tl Tublà da Nives te Sëlva. L fin de chësta azion ie de rënder puscibla n’ancunteda interdisziplinera y sustenì na produzion artistica nueva firmeda Tublà da Nives. I artisć lëura dut l di deberieda y ne n’à te chisc trëi dis tan che degun cuntat cun d’autra persones che no cun i autri partezipanc. Tres chësta mini-residënza artistica ulons ti dé lerch a evoluzions artistiches, ulache l vën a s’l dé cunlaurazions y dimenscions nueves.
I cater artisć se tenirà a la tematica n relazion ai „dis de educazion politica“ crida ora da la ripartizion dla formazion permanënta dla Provinzia che a ineum „in deinen Schuhen“. Cun chesta maniera de di, uelen giaurì la vista y i pensieries a la situazion particulera dl „auter“ o di autri, zapan avisa ite te si ciauzei y pruan ntess a ji cun chei. La tematica reverda la giustizia politica y coche suvënz nosta sozietà ti va permez a cër problems y a cërta tematiches cumplichedes che mët n discuscion nosta situazion de privilegh. I artisć vën damandei de abiné si maniera de scuvrì la strutures sozieles y i mudamënc sistemics te na sozietá descuvrian la diversità y l’empatia, coche capazità de sentì, capì y de se lascé ite tla situazion dl auter.
Per la segonda edizion de Match Art vëniel adum 4 profesciunisć de Gherdëina: Luca Langgartner, Milena Holzknecht, Jan Andrea Moroder, Anastasia Kostner.
Luca Langgartner ie n ciantarin, componist y espert tl ciamp dl acustica. Anastasia Kostner ie na balarina cuntemporanea che viv, lëura y nsënia nce, ti Paejes Basc. Milena Holzknecht lëura tl montaje de films a livel nternaziunel y Jan Andrea Moroder ie n videomaker y fotograf. N esplojion de cumpetënzes y creativitá - se ncunferton sun cie che l vën a s’l dé.
Ntroduzion: Danila Serafini
Orar: uni di dala 15:00 ala 18:00
Lunesc stlut; stlut nce ai 25.04.23 (festa naziunela)
Giaurida n sada, ai 11.03.2023 dala 19.30
Uni di: 15.00 - 18.00
Lunesc stlut
La mostra prejënta na lingia plu strënta de si produzion fotografica di ultimi diesc ani. Da udëi iel cuntredes y detais ora dla natura, ma nce cosses realisedes dala persona. Persones nstësses ne n vëijen mé pueces. I lëures sun papier y i doi videos da udëi ie framënc dla dimenscion dl tëmp y dla spersa, che ne stà nia ite te vel ordn; dala dlacia etiërna che se dlëiga, ora per deserc de sas apocalitics, a raions industriei y cantieres, nchin a stredes sulëntes, preies, ëures, bosc y coi, te raions de trasverseda.
Gustav Willeit ie bon de mudé - tres reduzions stilistiches y de culëur - posć cunescui da duc y de i trasfurmé te scenars privac. Si lëures se cunzentrea sun l’essenziel, y sciche pro n “reset”, sparëscel te n iede dut cieche desturba l uedl. Cieche resta ie testures, sperses y strutures che se trasfurmea tl cë te chedri y che va tres la cunsciderazion sëura l mecanism raziunel ora. Cialé y cunscidré la fotografies de Willeit devënta nscila na sperienza per l sëul, n privilegh de isolazion, da cunfrunté mpue sciche l scuté su mujiga cun la cufies tl’urëdles, amesa na fola de jënt.
L oeuvre dl fotograf se muef tecnicamënter danter mustré motifs reai, si manipulazion y costruzion sun l computer. Willeit à la capazità de adurvé dl dut la puscibiliteies dla tecnologia digitela, giapan nsci si codesc fotografich n bilanz danter natura y artifiziel. Ti lëures che n possa udëi, lascel na per te manipolazions sun l PC. Purempò n’a la fotografies no n carater documenter y no assoziatif. Si gran ambizion ie chëla de fé ora dla fotografies realiteies nueves. Si opres ie ambientedes - y chësta ie na carateristica de Willeit - cun culëures lesieres dan a n ciel grisc. Nia dinrer urtons motifs sciche te n “white cube”, ulache l vën auzà ora la ududa dl artist. L dovia monocrom tol ite na pusizion de postazion, che renforza mo deplù la cuscienza dla fotografies tla mënt dla persona che ti cëla.
test de Lisa Trockner
traduzion de Georg Mussner
GIAURIDA: Ve/Fr. 27.01.2023 - 18.00
Ntroduzion: Greta Langgartner, art-director Tublà da Nives
28.01. - 26.02.2023
Uni di: 15:00 - 19:00
Lunesc stlut
I chëunesc, i pic y i plans tla figures de Wilhelm Senoner lecorda a n salandron che, ti cialan da direzions desfrëntes, muda for inò volum y forma. La creatività dl artist de Urtijëi ie nasciuda propi ti sasc y ti chëui di crëps y tlo àn nce dat vita a si esprescion. Te si scultures iel da recunëscer n liam sterch danter la persona y la natura, da chëla che l artist à n gran respet ma l ne se tëm nia, davia che l sënt che son duc pert de ëila. Wilhelm Senoner ie nce n depenjadëur; si chedri pea uni tant via da cie che fova n iede nasciù sciche scultura y uni tant iel propi la pitures a vester l pont de scumenciamënt per na scultura nueva. La pitura vën adurveda te si scultures sciche na crosa dura che cuer l lën de linda dal caracter mujel y che devënta pona dut un. Wilhelm Senoner tl Tublà da Nives ie na mostra persunela studieda ora aposta per i selfs dl zënter culturel te Sëlva. La mostra se cunzentrea sun la tematiches dl liam danter la persona y la natura, danter l tëmp y la piedies che duc nëus lascion.
GIAURIDA Ve. 22.12.2022 - 18.00
Ntroduzion: Camilla Nacci
Intermezzo: Dunja Ilic (flaut) Maria Chiara Mosna (vidula)
Alessandro Ruocco (teyboard)
23.12.22 - 22.01.23
Uni di: 15.00 - 18.00
24.12. & 31.12. stlutDal 06.01.23: stlut de lunesc
Ve nvion de cuer
ala giaurida, n vënderdi ai 02.12.2022 dala 6 da sëira tl Tublà da Nives te
Sëlva.
La ntroduzion artistica fajerà Marina Peter y dl buffet se cruzia Bistro
B24 de Sëlva. Intermezzo musichel: Ivan Schenk
Werner Dejori à da for bele na gran pascion per la fotografia. Per si chedri se lascel gën ispiré dala natura y sciche motifs chirel ora cuntredes curides ju da na bela nevera, pizes de nosc crëps maestëusc o vel bosch misteriëus. Si fotografies ie plëines de forza che mostra su la imensità dla natura y i chedri a blanch y fosch à na lum y n cuntrat drët stersc nsci che n pudëssa belau miné de pudëi pië ite i chisc elemënc dla natura.
La mostra ie da udëi tl Tublà da Nives nchin ai 18.12.2022, uni di dala 16.00 nchin la 19.00.
Vernissage: sada 08.10. 2022 - 18.00
ntroduzion: Brigitte Matthias
09.10. - 30.10.2022
uni di: 16.00 - 19.00
lunesc stlut
Na mostra cun pitures de Felix Malnig, belijeria y obiec de Haldis Scheicher y pultrëc de Roland Ferrigato. Uni un a si maniera, se dai ju cun la tematica dl sport d'inviern.
L artista de belijeria Haldis Scheicher se da jù cun cosses y materiai adurvei tl mont dl ski, ntan che Felix Malnig documentea te si chedri coche l turism muda la cuntreda alpina. N cunlaurazion cun Scheicher mët Roland Ferrigato i obiec y la belijeria te na nueva lum tres si pultrec.
Egon Dejori - Limit
04.09. - 25.09.2022
Vernissage: sada, 03.09.2022 dala 20:30
Pra Egon Dejori ie la persona tl zënter. Te una na pert dla mostra persunela vëniel mustrà de gran pultredes de chëla persones, che ntan si truep viages tres l'America zentrela, ti à giaurì sibe la porta che nce l cuer. Dejori se dà jù cun l argumënt dla dënita, dla lidëza y dla segurëza dla persona y nes lascia ite - tres si fotografies - te vites privates. La mostra mët adum videos, rendering tridimensciunel, fotografies y nstalazion nes prejentan na critica soziela npue desfrënta cun umor y bona ulentà.
La mostra ie davierta uni di ora che de lunesc dala 16:00 ala 19:00. De venërdi possen nce jì a ti cialé da sëira, dala 20:30 ala 22:00. Se ncunferton sun vosc unì.
VERNISSAGE 04.08.2022 - 19:30
Moderazion | Presentazione | Moderation:
Greta Langgartner, art-director Tublà da Nives
Ntroduzion | Introduzione | Einführung: Karin Pernegger
Performance by Daniela Oberegger
Buffet: Pardatscher
MOSTRA | AUSSTELLUNG 05.08. - 20.08.2022
Uni di: 16:00 - 19:00
Dumënia, mierculdi y vënderdi: 20:30 - 22:00
Lunesc stlut
GIAURIDA: vënderdi 08.07.2022 dala 8 da sëira
Ntroduzion: Eva Gratl, cultural publicist.
Intermezzo: Laura, Lukas, Maxi & Tanja
09.07. - 31.07.2022
Uni di 16:00 - 19:00
Dumënia, mierculdi y vënderdi: 20:30 - 22:00
Lunesc stlut
L nia cunesciù y l chiet tl spazium
"Chiec" ie l plurel de chiet; chësc ie l cunzet dl sté decà y metaforich sun chël che l artist Peter Demetz mët l azënt y nes prejënta nsci si mostra nueva. Si lueges ie n palch cun figures architedes, te n chiet dialogh y che sta decà... Nce l tëmp semea che l stebe fërm y l descëida pensieres che, sciche na instalazion, ti dal forma a n spazium te n auter spazium. Per arjonjer chësc "chiet" chier ora l artist bele dai ani si troi particuler y nes porta te n'atmosfera defin singulera. L nes prejënta figures te n mez relief: doves, trëi, suvënz nce sëules, te n ambient da d'ëiles crià. Peter Demetz sotrissea che l pea via da cënc y cënc de fotografies, che l ti fej ala jënt che l vëija sun streda y sun plazes defrëntes. Chëstes ti juda a ti dé forma te na luegia de pensieres figuratifs. La figures sta decà, ie destëutes dal vijitadëur, cëla tres vieresc ora y se spidlea. Te si "light box" se cuntenteieles de sé nstësses y l semea che les ne mostre degun liam cun l’autres. Te chësc spazium zënza mubilia ne n'ales nia si dumbria. Peter Demetz lëura sciche n regist, ora dl lën crieiel juesc otics de spazium y porta dant szenes da uni di. Nëus stajon decà cun i braces n crëusc, la giames ndrëtes o n fregul ti jenodli, n brac permez ala urëdla che stiza su l cë. Stajon te nosc mond y penson do: De cie vala pa? Ciuldì pa? Nëus ne udon nia de cie vieres che la figures cëla y nsci devënta chësc sté decà na rafigurazion dl dedite che vën reprejentà tl dedora. La figures ie n portret, purempò ne mostreles degun sënies de recunescimënt. Szenes ora de si perzezion artistica, reflescions liedies y usservazions persuneles. Reflescion ie la parola-tle che caraterisea l'ert particulera de Peter Demetz te chësc nosc cialé. La va de n pensé do n cont de nëus nstësc y spidlé l mond dedite, che tl chiet dl artist vën purtà ora.
Eva Gratl
15.05.2022 -
03.07.2022
Giaurida: 14.05.2022
17:00: Te Val - Performance cun Flying Piano
18:00: Tublà da Nives
Mostra coletiva cun Silvia Capuzzo, Jasmine Deporta, Lia Mazzari, Veronica Moroder, Martin Pöll, Barbara Prenka, Christine Runggaldier, Tobias Tavella y Fabio Zindaco. Curadëures Sarah Solderer y Mara Vöcking.
What do Landscapes dream of?
Semieia pa la cuntredes? Cun
chësta dumanda ulons nëus se dé ju cun na cunsapevulëza sensuela y stlu per n
mumënt i uedli y paussé. Ulon se
lecurdé di sentimënc, dla ntraunides, dla mprescions dl tëmp passà y di sëmies dl
daunì. I sëmies nes juda a giapé ispirazion y ie la funtana dla creatività. Mplu
nes dai na man a lauré ora nosta realtà, nosc uni di. Nscila ons l mesun de
pensé da nuef y te na maniera liedia, de se ndejdì per n aiet dala regules dl
spazium y dl tëmp. La cuntredes cun duta si variazions y sfumadures mët man de
semië y se definësc da nuef.
L vën a lum cunstelazions nueves, nmaginazions y i chedri giapa vita, ma ne
son nia boni de ti ruvé permez. L suenn ie zeche de ndividuel, na sperienza persunela
y mé sce la cuntreda conta la storia de si suenn, sons boni dla viver pea. Tres
chësta mostra iel propi l’ert che se deletea de ti cunzeder na usc al paesaje.
Meton n discuscion l "status quo" y piton perchël na perspetiva
alternativa. Che la cuntreda giape l dërt de autodeterminazion, che la ne vënie
nia sfruteda y nia desdruda, ie n sëmi per n daunì plu giust. Co pudons'a furmé
la cuntreda y co vala pa de dé sustëni a la realisé? Y ciuni ie pa i sëmies dla
cuntreda?
I artisc´ y l'artistes che fej pea ie de Südtirol y raprejënta la trëi grupes de rujeneda ladina, tudëscia y taliana.
Oraresc de giaurida: juebia y vënerdi 16:00-19:00, sada y dumënia 10:00-12:00 / 17:00-20:00.
Giaurida: Ve. 22 d’auril 2022 dala 6 da sëira
Moderazion: Greta Langgartner, art-director
Ntroduzion artistica: Marina Manfredi, prof.ssa pra l'Accademia delle Belle Arti de Unieja
Una dla cualiteies che luna ora dala produzion artistica de Obletter ie la coerënza struturela che ie laite te uni si opera. Aldò de si maniera de lauré la scultura, cun na merscia che nes lecorda Michelangelo, vën l corp uman, udù mprima coche na massa voluminëusa, smendrà y scemplificà nfin a se redujer te na figura che sta sun l lim danter forma figurativa y astrata y devënta na cariàtida moderna mbalucheda y ngrifeda tl spazium. La lesures dl corp se cuncretisea te n parados artistich, miec dit la negazion de cie che ie per si vester propi de sé nstës: l muvimënt che dà mpe da ntënder l’aria che les ncërtla y ti passa tres. Propi nce l material che l artist à l plu gën, l miërmul, azentuea la forma te si architeda y imobilisazion, na forma che nes lecorda Apollo che cun si fremëza pèr ndesfidé l tëmp che passa. La natura, pont mpurtant da chël che Obletter pëia via cun si sintesa figurativa, vën nterpreteda a na moda da desmazé n raion te chël che la memoria visuela anconta la fantasia criënta: i uec, i dulei, la spurjënzes de na scultura ncaunia ite te sé nstëssa l mudamënt dla formes natureles per les cundujer te n retrat che dura y che ngenerea ch’la ilujion de eternità tan tingëda da Canova. La scultures de Obletter comunichea cun nosta ana plu sota y lascia unì a lum zeche de nuef y de autramënter te chël che l’opera devënta la cuncretisazion fantastica dla persona te n dialogh zënza fin danter s’enmaginé y udëi.
Mostra de lëures di studënc dl Lizeum d’ Ert “Cademia“ y dla Scola Prufesciunela per l Artejanat Artistich
GIAURIDA n vënderdi ai 1 de auril 2022 dala 10:30
Orars: Vënderdi, sada y dumënia: 10-12 y 1 -19
Via per l’ena: 16-19
Mostra de scultura
GIAURIDA: Ve 17.12.2021 - 18:00
Ntroduzion: Hans Heiss
18.12.2021 - 09.01.2022
Uni di: 16:00 - 19:00
24.12. & 31.12.: stlut
GIAURIDA ve. 8.10.2021 - 20:30
Ntroduzions: Paola Bassetti y Valeria Stuflesser
Orar dla mostra:
Uni di dala 17:00 ala 20:00
Dumënia: 10:00-12:00 / 17:00-20:00
Lunesc stlut
SIMON OBERBACHER
La formes che Simon Oberbacher ti dà a si lëures ie formes arcaiches.
Tres chëstes lecordel la prima generazion dla raza umana, che adurvova
chësta formes per purté roba da maië y ega, formes che n abinova bele
tla natura (p.ej. l uef). Tulan ca n to’ de lën ie Simon bon de lauré
ora de gran scudeles, formes essenzieles che ie liedes al argumënt
antich dl grëm de na oma. Ël à la capazità de les turné tan giut nchin
che les giapa n ëur sutil, scialdi fin che se trasfurmea ntan che l lën
sëcia. Ala fin garatel n lëur asimetrich, cun de pitla sfëntes y
sfësses, che l artist va mo a abelì cun decurazions.
PAOLO ROSSETTO
Cun mi pitura sureéla uei mëter a lum n dialogh lonch y meste danter persona y natura y depierpul sorissé la realtà umana te si formes desfrëntes. Ue purté dant messajes boni de tré pea la mënt y i sentimënc. La persona se desmëncia de fé ala pert dla natura da chëla che la vën cherdeda, daviadechël sons natura ncertlei ite dala natura y l ie chësc l mond che me dà dl am. N mond che mostre mescedan pensiers, sëmesc, sentimënc, la cosses che se semea l manco purtedes a n dutun cun la persona. L ie na metafora dla vita. La natura ie per mé na cherdeda sterscia, na sort de vocazion. L lën, che ie tl zënter de mi depënc, ie simbul de vita. Vita che vën, te mi chedri, acumpanieda dal lën, che la nrissea y che ie funtana y grep de chësta y, sce ulon, ie l tema minà nce chël dl’oma natura y donca dl’ëila. Tres l’ëila, che rapresënta l cërtl naturel cun fecondità, nasciuda, vita y mort, azentuei l sentimënt che vën ora da d’ëila.
Giaurida Ve 03.09.2021 - 18:00
Ntroduzion: Brigitte Matthias
04.09. - 26.09.2021
Uni di: 16:00 - 19:00
Dumënia: 10:00 - 12:00
Lunesc stlut.
La operes de chësta mostra vën despartides te trëi grupes che n pò ncurpuré tl tema dla transizions:
• La transizion da na cundizion fisica a n’autra, dala vita ala mort, che tol ite i mutifs pitorics dla natura morta coche nce i retrac cun i uedli stluc.
• La transizion da elemënc pitorics cuncrec a cumposizions astrates - i chedri te collage y tecnica mescededa.
• La transizion tla cuntreda coche pruiezion de cundizions psicologiches - l crëp udù coche mur manacëus y dl auter viers coche cuntreda da mont brausa cun si ferdons dlaiënc che se balanza ora cun la belëza de marueia. La mont coche n luech de dejider dalonc tl’urizont, ulache l ciel slergia ora la lerch dla pitura.
Chësta tematiches de transizion y de trasfurmazion, che se referësc ala dumandes filosofiches fundamenteles de nosta esistënza umana: “Da ulà unions’a, ulà jons’a?”, acumpaniëia l lëur de Gotthard Bonell dal scumenciamënt de si cariera artistica inant. L se muev nsci tl cuntest dla tendënzes de minonga inteletueles europeiches dala natures mortes vanitas dl baroch ala dumandes dl esistenzialism, sun l nfulestiramënt dla persona te n mond manacëus, ma nce sun la lidëza y la respunsabeltà de sé nstësc de crië n senificat.
GIAURIDA: Juebia 5.8.2021 - 18:00
Ntroduzion: Alessandro Casciaro
Orar: Uni di: 16:00 - 19:00
Dumënia, merdi, mierculdi y vënerdi: 20:30 - 22:00
Ces (cëves) ie n viac spirituel tl luech dla
cuscienza y dla rejon, l ie na secuënza de emozions y de esperienzes che uniun de
nëus fej te si vita da uni di. L ie dantaldut na reflescion laica sun la
tematica for atuela dl’ejistënza umana y sun i valores dl tëmp y dla ratio, śën
sciche śën mo plu mpurtanc per gauja di avenimënc storics che vivon. Ces (cëves) ie tl medem mumënt n percurs da fé
a pe tres la cater sales dla mostra tl Tublà da Nives, ulache l ie metudes ora
17 scultures de bront o de ghips de grandëzes defrëntes, realisedes da Lois
Anvidalfarei ntan i ultims vint ani. La scultures ie te n dialogh cun na lingia
de dessënies che à da nfé cun la medema tematica.
GIAURIDA: 2 de lugio 2021 - dala 18:00
Introduzione: Marco Forni
Intermezzo: Duo "Moritz & Julian"
Orario mostra: tutti i giorni: 16.00 - 19.00
dumënia, merdi, mierculdi y vënderdì: 20.30 - 22.00
Nëus arpon, purton te nëus – bele canche nascion – ziples de vita de d’autri che fova sun chësc mond dan nëus. De chi ons’a de bujën? De nëus, sambën, ma nce di autri. L ie de gra a d’ëi che mparon a nes cunëscer miec; ne se acuntenton nia mé de sté sun chësc mond a minsé su nosc tëmp y nëus nstësc. L dialogh ie nce na cumposizion de mujiga a doi ujes. Te n dialogh possa giapé forma na armonia o nce na dejarmonia, coche tla mujiga.
Introduzione: Elio Vanzo
Intermezzo: Martin Holzknecht
Orar: merdi-dumënia16:00-19:00
Lunesc stlut
> GO BACK < – na retrospetiva.
Jì de reviers per crì l’identità tl labirint dl ie. Se pierder per ruvé inò a cësa. Uni cheder ie per n mumënt curt la cësa dl ie, n mumënt che se tira ora per for… scialdi plu giut ie l ne vester nia presënc y l ne se recunëscer nia plu, giut alalongia, per n tëmp da stramp lonch … Uni cheder cun si originalità descëida ora te mé l sënn y la calma y tl medemo mumënt pierdi la cuscienza.
Anneliese Pichler nasc a Cavalese (TN) tl 1962. Ëila fej l Lizeum d’Ert privat a Milan. Tl 1982 studieiela “Affresco e pittura murale” tla Cademia Estiva cun l pruf. G. Hoke. La studieia y arjonj meric speziei tla Cademia Estiva Internazionale “Hortus Niger” y “Hoke Schule”, n iede a Verteneglio (Istria) y pona a Halbenrain (Austria). Ti ani che vën do scumëncela na culaburazion longia cun la galaria tiroleja Hosp de Nassereith. Si opres vën metudes ora tla Art Fiera de Dispruch, Dornbirn (A) y Karlsruhe (D).
Ntan l 2013 ala tëut pert al “Haus Tyrol Europa”, n proiet Euregio Bruxelles y Art Fiera Verona y arjonj la senialazion dl “Premio Icona”. L’artista se dà ju mascimamënter cun dessëni y pitura cun tecnica mescededa sun papier da tëiles, ma nce cun cosses.
Ntroduzion: Lisa Trockner
Intermezzo: Christina Auer
Merdi-Sada: 16:00 - 19:00
Dumënia: 10:00 - 12:00 / 16:00 - 19:00
Lunesc stlut
N dumënia domesdi, ai 25.10.2020, sarà presënc tramedoi i artisc#
Tramedoi artisć se dà ju bele dai ani – nia mé, ma for inò a na maniera intensiva – cun la tematica dla cuntreda. Markus Moling y Heinz Innerhofer ejaminea l paesaje te duc si aspec estetics y interns. Tlo à nce la lum, l ambient, l’atmosfera y i sentimënc o l lecort che chësc motif chërda adalerch na mpurtanza fundamentela.
Tramedoi artisć reprejënta la natura a na maniera “nia sciorfa”, Innerhofer cun si tecnica fotografica particulera, tres chëla che l vën a se l dé n muvimënt tëurbl, y Moling tres si tecnica dl depënjer che tol ite plu materiai i mescedan cun linies grafiches. La contures devënta manco tleres y l soget ne vën da tramedoi artisć nia plu reprejentà a puntin coche l ie tla realtà. L resta na reprejentazion smendreda y individuela dla natura vivuda y na mprescion de chësta.
Mëter adum i doi artisć te chësta mostra uel perchël sambën dì crì da gën semianzes danter i doi, ma nce mëter a cunfront motifs che se semea y paredlé i media defrënc (la pitura y la fotografia). De un n viers adrova Moling suvënz la fotografia te si pitures y, dl auter viers, semea che la fotografies de Innerhofer ebe na cumpunënta che lecorda la pitura. La maniera de ti jì permez ie uni tant semienta y uni tant defrënta, lascian nsci pro n dialogh nteressant y nce na cërta tenscion danter i motifs depënc y fotografei.
L titul “LÜM” (badiot per lum) ie l fil che cunlieia i doi artisć y che porta tres la mostra. La lum ie fundamentela per la perzezion otica, ajache la mostra su coche la cuntreda vën nterpreteda – uni tant n cuntrast y uni tant a na maniera delicata y nia for tlera – ma la ie zënzauter essenziela per nosta perzezion, che resta for individuela.
Heinz Innerhofer 1964
Ël à studià ala ZeLIG, la scola per films de documentazion, televijion y media nueves a Bulsan. L à stlut ju la “Prager Fotoschule” per fotografia figurativa y artistica tl’Austria cun lauda. Innerhofer à tëut pert a truep proiec de mostres tla Talia y oradecà y ie unì nvià a festival de fotografia internazionei.
Markus Moling ie nasciù a La Val tl 1973 y à fat la scola d’ert te Gherdëina. L à scumencià si istruzion academica a Firënza y ie daldò jit inant a Milan, ulache l à stlut ju si studies tla “Accademia di Brera” tl ann 1996. Da ntlëuta iel atif tl ciamp artistich y tol pert regularmënter a mostres tla Talia y oradecà.
MatchArt
L’ert dla fujion y la fujion dl’ert
MatchArt ie n’ancunteda danter artisc´ de formes d’ert desferëntes che azetea la ndesfideda de laurè adum 3 dis tl Tublà da Nives te Sëlva, per crië n’opera d’ert sperimentela. Na resieda mpuscibla? L ne n’ie deguna regula che determinea la dureda de n pruzes creatif per ti dé forma a n’idea. Datrai se damandel ani, datrai bàstel n mumënt. L fin de chësta azion ie de rënder puscibla n’ancunteda interdisziplinera y mëter adum artisc´ che de solit ne n’ie nia deberieda sun l medem palch. Y ti dé lerch a evoluzions artistiches, ulache leteratura, teater, pitura y mujiga possa se ancunté te na fujion.
Artisc che fej pea:
• Lukas Spisser (atëur)
• Maria Moling (musizista y ciantarina)
• Fabrizio Senoner (depenjadëur & Tätowierer)
• Alex Sala (performer)
L va debujën de resservé la luegia (info@tubladanives.it)
Ntroduzion artistica: Marco Forni
Intermezzo: Filip, Maria y Jakob Senoner
Uni dii: 16:00 - 19:00
Juebia: 20:00 - 22:00
Lunesc stlut
Flavio Senoner (1970) à studià pra l’Accademia d’arte a Firënza,
Barnet Art and Design London finan via si stude tl’Accademia d’arte di
Brera a Milan. Ël viv y lëura a Urtijëi.
L ritm, la strutura y la maniera coche ie cuncei ora i materiai naturei sciche l lën y l ghips ie de na mpurtanza fundamentela per Flavio Senoner canche l mët adum si opres. Ma per ël ne n’ie l orden nia l fin prinzipel. Ël lëura a na maniera intuitiva, fin a canche l sënt che la cumposizion ie balanzeda ora. I vares che vën do ie l brujé dl lën y uni tant se nuzel nce de elemënc de ghips o mët leprò elemënc de lën orizontei o verti-
chei. Te si lëures adrovel l blanch y l fosch, l linëus y l scur, y a chësta maniera vën l
muvimënt, la plastizità y la tridimenscionalità auzedes ora.
Matthaeus Kostner (1973) à fat la Scola d’Ert jan a lauré pona te
na berstot da scultëur. Per deplù ani àl studià, ntan i mënsc da
d’instà, pra l’Academia Nternaziunela de Salzburg. Ël viv y lëura a
Urtijëi.
Ti seculi passei memorisova i viagiadëures si esperienzes les scrijan su ti diares. Chësta funzion ie pona unida sëurantëuta dala fotografia, che tl prim se damandova n gran mpëni deventan pona for plu y plu scëmpla da adurvé de gra ala tecnologia moderna. Chësc à purtà pro che l vënie fat na gran cuantità de fotografies, sëires de proiezion de dias che ne fina plu o slideshow modernes sun computer.
Te mi opres lëuri ie ora duta la fotografies de n di de viac ntier o de na vacanza les metan adum te na sëula fotografia cumplessiva. Ala prima udleda recunëscen culëures y formes, ma sce n ti cëla miec abinen ora for plu details, y nsci scumëncia n viac tla fotografia.
Ntroduzion: Doris Ghetta
Intermezzo: Tel Tipes
Salut: Esther Videsott, art-director
Ntroduzione artistica: Camilla Nacci
Intermezzo: Marion Moroder
PITURA Y FOTOGRAFIA
Ntroduzion: Esther Videsott
Intermezzo: Duo Carmen & Simon
Orar dla mostra
16:00 - 19:00 (Lunesc stlut)
Salut: Tobia Moroder
Ntroduzione critica: Gabriele Lorenzoni
Intermezzo: Georg Malfertheiner
Orar: 08.02. - 08.03.2020
16:00 - 19:00 / Lunesc stlut
Adolf Vallazza (Urtijëi, 1924) ie na figura iconica tl panorama dla scultura sibe naziunela che nternaziunela d’aldidancuei. Sustenidëur da ardimënt y rigurëus dl ziplé, àl dedicà si vita a na tecnica che nchin su per i ani cincanta univa rateda bona mé per i lëures artejanei, l’à auzeda a denità artistica, ti giaurian nsci la streda a doi generazions de artisć de Gherdëina.
A Vallazza ne ti fóssel mei tumà ite de se n jì da si ncësa, da Gherdëina, nianca canche la prescions per spusté si atelié a Milan, cossa che ti ëss zënzauter dat mo na majera sburdla a se slargë ora cumerzialmënter, fova stersces. Nia che la s’ëss tratà de crì l ijulamënt, ma bën la cunvinzion sota, miec dit la segurëza, che te ch’l fazulët de tiera ne fòvel nia mé nasciù, ma che si ncësa ti dunova for inò y bel assé funtanes de ispirazion. N binom, chël danter Vallazza y si montes, che n pò sintetisé tl raport cun l lën: n raport d’amor y lëur, che mbracia ite l senificat sot de n’esistënza. Tres la sortes de lën vedl y antich adurvà da Vallazza regórel belempont linfa vitela, stories de fadia y atacamënt, amor per l teritore y poejia.
Da na idea de Tobia Moroder & Ivan Senoner, n cunlaurazion cun Archivio Vallazza
L ie stat mesun mëter a jì chësta mostra cun l sustëni dl Chemun de Urtijëi.
Mostra de dessënies di sculeies dla Scoles Mesanes de Gherdëina n ucajion di 50 ani dla bola (merca) dla Camera de Cumerz de Bulsan
Sëlva - Tublà da Nives
Ntroduzion: Camilla Nacci
Orar dla mostra
19.12.19 - 05.01.20: 10:00-12:00 / 16:00-19:00
Dai 05.01.20: 16:00-19:00
24.12. & 31.12.19: stlut
Tla mostra „set“, cunzepida per l Tublà da Nives de Sëlva, presënta Federico Lanaro na lingia de pitures y istalazions che uel rapresenté reflescions sun l juech, ntendù nia tan coche forma de fé damat, ma bën tl’azion chitamënter esplojiva dla intuizion che mira ala sudesfazion y al bënsté inteletif.
Federico Lanaro (Rurëi TN, 1979) se à laureà tl 2004 tl’„Accademia di Belle Arti“ de Bologna. Si operes, dala pitures ala scultures nchin via ala istalazions, ie caraterisedes da tematiches trasverseles y da n nomadism linguistich che respidlea si esperiënza persunela dl mond ntëur ël ite.
I elemënc tipics de si ert ie i culëurs sluminënc, la sintesa dl sëni, i sogec y la ncadratures che nviëia a cunscidré l mond da n pond d’ududa defrënt, la figurazions scëmples, diretes y cun slune che vën tlupedes ora sibe dala cultura auta che dal mond scemplificà dla grafica. Nce per chësta rejons se adatea si ert drët bën a de plu livei de nterpretazion, aldò dla sensibeltà persunela dl spetadëur o dl usservadëur. Si lëur ie fat de n grum de sfumadures, coche l’ert ecosustenibla, la cunscidrazion dl univers green, la ncrujeda danter l mond di tiers y chël dla persones, danter idividuum y meja, danter naturel y sëuranaturel, l liam cun si tiera, la nterpretazion di cumpurtamënc umans.
Giaurida ai 26 de utober 2019 dala 17:00
Ntroduzion: Leo Senoner, Stefan Planker, Elmar Gobbi (Palais Mamming)
Orar dla mostra: Uni di: 15:00-18:00
Dumënia: 10:00-12:00
Lunesc stlut
Co fova pa la vita plu dagiut te Gherdëina? N valguna respostes a chësta dumanda vën dates dala mostra de pultredes che l Museum Ladin Ciastel de Tor mët a jì te Sëlva n cunlaurazion cun l Zënter Culturel Tublà da da Nives y l Museum Palais Mamming de Maran. La mostra unirà giaurida ai 26 de utober tl Tublà da Nives. L sarà da udëi pultredes de retrac, de trohtes, ma nce de paesajes y de ridli.
83 fotografies de dimenscions plu o manco grandes fates te Sëlva y a
Santa Cristina dan 110 ani, bonamënter danter l 1903 y l 1906.
La fotografies metudes ora per l prim iede y dldut nia cunesciudes,
ie stampes urigineles fates ntëuta sun scipa y sën digitalisedes. La
vën da na culezion de plu de 300 lastres giapedes n dunazion dal
Museum de Maran. La pultredes ie unides fates bonamënter da n fotograf
per na familia de Maran, cun na descendënza da una na pert de
Gherdëina. Ti mumënt de vijita te Gherdëina y nsci de si tiera de
nasciuda, univel documentei plu mumënc sibes ora dla vita da uni di che
nce de families y personajes cun trohtes, ma nce ridli de Sëlva y Santa
Cristina cun si biei luesc da paur tan carateristics.
L Museum Ladin y l Zënter Culturel Tublà da Nives dumanda nce de na cunlaurazion cun la popolazion: Chiche vijitan la mostra ëssa da cunëscer vel persona che ie sun la fotografies, ie perià bel dl fé al savëi, nsci che n sibe boni de ti dé nce n inuem ala persones che ie da udëi sun la pultredes.
Mostra metuda a jì n cunlaurazion cun l Museum Ladin "Ciastel de Tor", i "Südtiroler Landesmuseen", Palais Mamming y Istitut Ladin
Ntroduzion : Vinzenz Senoner, Philipp Messner
Ntroduzion: Peter Demetz
Intermezzo: Lena Moroder (piano)
ORAR: Uni di: 16:00 – 19:00
Dumënia, merdi, mierculdi y vënderdi: 20:30 – 22:30
Lunesc stlut
Chedri de marueia y nia da se aspité de crëps y persones de Uli
Wiesmaier, fotograf drët cunesciù a livel internazionel cun na pascion per i
crëps che l à bele da duta si vita incà. Ël mët ora te chësta mostra crëps y
montes mo mei udui nscila y che toma tl uedl. Wiesmaier chier n chësc cont
paroles cun l prefis BERG..., sciche BERGbahn (furnadoia da mont), BERGbauer
(paur da mont), BERGstraße (streda da mont) oder BERGblick (udleda da mont) y
ti dà na si interpretazion fotografica. Nscila iel da udëi ora per ejëmpl sun
la fotos dl BERGbauer (paur da mont) amirazion y respet, ntant sce iel per l BERGsee
(lech da mont) da udëi belau n pue’ de sënn. I crëps ne ie nia unii mudei y ie zënza
filter. Fotografies da mont che va a cuer y fates te na maniera unica.
Ntroduzion: Roland Verra
Intermezzo: Georg Malfertheiner
Giaurida: vënderdi 15.03.2019 - dala 20:30
Ntroduzion: prof. Vinzenz Senoner
Orar dla mostra: 16.03. - 14.04.2019: 16:00-19:00
Lunesc stlut
Ziplé tl sas ne n’ie nia mé n ert, ma mo deplù filosofia. Tl tëmp lonch ntan chël che n lëura te n sas, passel na fasa dla vita te chëla che n scumëncia a ciampì cun l material y l’idea. Cun l granit dur me rëndi cont coche l tëmp passa, ma l mumënt fej pert dl’eternità.
Ie comunicheie tres mi scultura, ma l ie la persona, y for mé la persona che me nteressea. Mi rujeneda ie mudeda cun l passé dl tëmp, ma l argumënt ie restà l medem. Per pudëi lauré cun l lën, l sas y i culëures muessi ti cialé al lën ntan che l crësc, tl mumënt dl flurì y nce canche l mor; l crëp che se desfej cun la dlacia, l scuvierjer de si urigin, plu sedimentera che vulcanica, dut chësc vën cialà, udù y l ruva adum, te n segondo mumënt, te mi opra. Ue mustré i doi musc dla persona, l bën y l mel che viv deberieda te d’ëila, y per l fé toli ca formes, sperses y culëures, a na maniera de arjonjer n’armonia che pëia via dai cuntreres che ruva adum. Ti ultimi ani me ei dat ju cun l cë, cëves che se rejona y à ravises tla tiera coche ciofs tl pra. Ne me ncuntenteie nia de resté sëuravia, ma cële de nrescì la dimenscion psichica danter liberazion y tenscion.
Giaurida: vënderdi 15.02.2019 - dala 20:30
Ntroduzion: Mariangela Bognolo, critica d’ert
ORAR MOSTRA: 16.02. - 10.03.2019: 16:00-19:00
Lunesc stlut
GIAURIDA: 21.12.2018 - 20:30
Ntroduzion: Hans Heiss
Orar
22.12.18 - 06.01.19: 10:00 – 12:00 / 16:00 – 19:00
dai 06.01.19: 16:00 – 19:00
24.12. & 31.12.18: stlut
Astrid Gamper ie de Persenon y à studià grafica y design a Freiburg. Per plu de 15 ani àla laurà a Minca pra Kostas Murkudis y Rena Lange sciche designer y a fé modiei. Ëila à oradechël nce laurà a New York pra Donna Karan. Ruveda de reviers tl’Europa àla giaurì tl 2000 n si atelier a Tluses.
Tl Tublà da Nives mostra Gamper lëures sun papier, che se raida dut ntëur ala pel sciche metafora dla vita te duta si mpurtanza y funzion. La pel nes pieta scunanza y stluj ju nosc vester de viers dl dedora. Ma cie che va “sot ala pel” ne se lascia nia fermé. La pel ie coche n resservar, tlo se abìnel linëus y scur, ciaut y frëit, ujinanza y destanza, ma nce chedri, sentimënc y sëmies. La pel ie na vaina, na tea, n guant y chësc uel Gamper purté sun papier cun truepa finëza ma zënza euforia.
Giaurida: n merdi, ai 16 de utober 2018 dala 20:30
Ntroduzion: dr. Lukas Plancker, Zenz Peristi
Orar dla mostra: da merd a dumënia dala 16:00 nchin ala 19:00
Sada y dumënia nce danmesdì dala 10:00 nchin ala 12:00
De lunesc y ai 01.11 (Unissant) iel stlut.
GIAURIDA n vënderdi ai 7 de setëmber 2018 da mesa la nuef da sëira
Ntroduzion: prof. Vinzenz Senoner
Buffet: Hotel Savoy - Sëlva
Orar dla mostra: uni di dala 16:00 ala 19:00
Vënderdi, sada y dumënia nce danmesdì dala 10:00 ala 12:00
“Dessenië y depënjer me dà la puscibltà de ti cialé y de sentì plu avisa la belëzes de chëles che fajon pert.”
Viktor Senoner vën ora da na familia de scultëures. Ël ie ruvà a fé l mestier da moler de figures tres stredes ncrujedes. L se sënt fertunà de avëi mparà chësc bel mestier cun si truepa tecniches. L à nce abù la fertuna de pudëi fé de biei lëures sibe te Südtirol che oradeca.
De capriz (ora de ëura) se àl for plu dat ju cun l dessëni y la pitura do la natura y alalergia. I motifs abinovel nia dalonc da si ncësa. De gran mpurtanza fova per ël daniëura n bon raport „de amezizia“ cun l motif che l depenjova. Perchël ne n’ àl nceno prëscia a finé n cheder. Jan for inò tl medemo post ti cialan, dessenian y depenjan l medemo motif se àl suvënz rendù cont dla nfinità de belëzes che pieta la natura. L ie sciche na esplojion de vitalità, de formes, dla gran varietà y vibrazion de culëures, de tofs, sonns y nce dl chiet. Chisc chedri ie n tentatif de repurté la belëzes che l à pudù udëi, sentì y viver sciche na ciantia de lauda.
Orar dla mostra:
Uni di: 16:00 – 19:00 & 20:30 – 22:30
N dumënia ai 15.07.2018 daviert tresora dala 10:00 ala 19:00
Cumëmbri dla lia per l artejanat artistich de Sëlva mët ora ti selfs dl Tublà da Nives. L argumënt crì ora ie scialdi nteressant y n possa bele sën se ncunferté sun la idees che i 12 partezipanc à abù. Mplu uniral fat n lëur de grupa (mpue sciche ntlëuta cun la gran sia a motor) y nce chësc lëur dajerà scialdi a uedl, dantaldut per si grandëza. Che fej pea ie Adolf Vinatzer, Hannes Mussner, Hubert Mussner, Hugo Senoner, Ivan Lardschneider, Jonas Senoner, Leo Ferdinando Demetz, Otto Piazza, Patrick Senoner, Roland Perathoner, Samuel Perathoner y Sigmund Linder.
Giaurida: 7.6.2018 - 20:00
Ntroduzion: Sabine Gamper
Uni di: 16:00 – 19:00 / Vënderdi: 20:30 – 22:30 / Lunesc stlut
Te na esposizion panoramica mostra Claus Vittur operes unides a s’l dé te spanes de tëmp criatif desfrënt di ultims diesc ani. L titul „unterwegs“ / „de viac“ dà da ntënder che la se trata tlo de n viac che nëus coche usservadëures vivon pea tres chësta rapresentazions dla cuntreda.
Se muvon tl tëmp y tl spazium, ala scuvierta de monc esterns coche nce interns, ma nce n viac tres deplu formes d’esprescion artistica y mesuns esprescifs dla pitura. La maniera de rapresentazion fotorealistica da pludagiut vën nsci ti ultims tëmps giamiëda ora cun n gest scialdi liede y lerch cun chël che l culëur tl cheder devënta na cuntreda viva.
Giaurida, n vënderdi ai 16 de merz 2018 dala 20:00.
Ntroduzion artistica: David Lardschneider
Giaurida: 1 de fauré 2018 dala 20:00 cun ntroduzion artistica de Denis Isaia
Orar dla mostra: uni di dala 16 ala 19
Cun la lingia nueva de lëures “n mumënt” presënta Thaddäus Salcher dessënies, reliefs y scultures che va ite n dialogh danter sujet y cuntreda, cossa che ti sta scialdi a cuer al artist. Avisa sciche te n film vën i vijitadëures dla mostra cumpaniei damprovia te na ancunteda dadaujin y mpatica cun n mumënt de legrëza, n aiét che ti dona ala esistënza dla persona zeche de utl y de misteriëus.
Thaddäus Salcher (Persenon, 1964) fej pert dla generazion nueva de artisc´ ladins. Ora de avëi metù a jì truepa mostres persuneles y fat pea pra n valguna coletives (lecurdon chëles fates da permò tla “Galerie an der Pinakothek der Moderne barbara Ruetz, Minca (2016 y 2017), Südtiroler Künstlerbund (2016 y 2017), Kunstforum Unterland (2017), Galleria Doris Ghetta (2016), à si lëures giapà recunescimënc pra cuncors privac y de istituzions publiches cun proiec mpurtanc sciche l’alestimënt dl presbitere dla dlieja de Persenon y de Schenna (2016) na opra d’ert pra la scola provinziela profesciunela de Bornech (2013) y l proiet artistich „Menschlichkeit“ per la cësa nueva dla Cassa Raiffeisen a Ciastel (2011).
„Mëisa dl dlialogh“: Lukas Plancker, Vinzenz Senoner, Armin Mutschlechner, Gottfried Solderer
Intermezzo: „Grödner Krainer“
Orar: Merdi-dumënia 16:00 – 19:00
Lunesc stlut
Chësta manifestazion fej pea pra l proiet "Viver la montes" dl Cunsëi de Furmazion de Sëlva.
Ntroduzion: Vinzenz Senoner
Intermezzo: Ivan Rumerio (oboe), Giulio Garbin (tlavier)
Viver da daujin la vivanda dla natura salvera.
La sensibeltà tl sentì la magia dl mond di tieres. La pascion per n mond dalonc
dala persona. La lesirëza tl manejé lën, bront y d’auter material che chësta
natura nes manifestea. L’eleganza tla laurazion ala menuda y a puntin dla
scultures. Chëstes ie la carateristiches de n lingaz tres chël che Rumerio nes conta
n mond de chël che l’ert ie esprescion de na persona, che ie bona de ti purté
inò plu daujin al usservadëur na natura desmincëda.
Uni di: 10:00 – 12:00 / 16:00 – 19:00
Dumënia, merdi, mierculdi y vënderdi: 20:30 – 22:30
Mostra coletiva di mëmbri de UNIKA.
Giaurida: n sada, ai 22 de lugio 2017 dala 18:00
ORARI DLA MOSTRA:
Orar dla mostra: Uni di dala 16:00 ala 19:00
Dumënia, merdi, mierculdi y vënderdi: dala 20:30 ala 22:30
Lunesc stlut
La mostra Percursc / Pathways se tol dant de pité na panuramica dla produzion artistica de Gabriele Grones y prejënta na cerduda de operes, mpartides per grupes tematiches, di ultims diesc ani de si atività. Tres linges de depënc a uele sun tëila, prova ora Grones tematiches defrëntes y adrova depierpul n lingaz defin figuratif y simbolich ti dajan forma a uni pitl particuler che posse cherdé adalerch y dé da ntënder l ntravaià dl reél te si senificat plu filosofich y intimist. I retrac raprejënta sogec che, abinei su te pusizions stersces y iconiches, semea sciche sce i foss te n’atmosfera metafisica, sciche sce i nfruscëss ora tematiches coche l’identità persunela y coletiva. La cumposizions y i details naturei se refletea sun l dialogh danter i elemënc de nosta esperiënza y scuvierj ch’i aspec poetics y lirics stluc ite te n fruz de realtà.
Gabriele Grones (Reba, 1983) ie n depenjadëur y artist visuel. Tl 2009 àl stlut ju si dutorat de spezialisazion te Pitura tl’Accademia di Belle Arti de Unieja. Dal 2005 àl metù ora te truepa mostres persuneles y coletives, te galaries y museums, danter chisc, tla National Portrait Gallery (a London); tla Bienela de Unieja (Unieja); tla Mall Galleries (a London); tl MEAM Museum (a Barcelona); tla Galerie MZ (a Augsburg, ti Paejes Tudësc); tl MART (a Rurëi); tl Bernarducci Meisel Gallery (a New York, USA), tla Galerie Van Campen & Rochtus (a Antwerpen, tl Belje); tla Dolomiti Contemporanee (a Belun); tl Fort Wayne Museum (tl’Indiana, USA); tl Museum of Arts (a Cluj, tla Romania), tl National Museum of Fine Arts (a Valletta, Malta); tl Museum Ladin Ciastel de Tor (a San Martin, tla Val Badia); tla Galaria San Fedele (a Milan).
Tl 2016 àl venciù na residënza d’artist tla Kaminsky Foundation al MANA Contemporary de Jersey City (tl New Jersey, USA).
Salut: prof. Vinzenz Senoner
Presentazion: prof. Renzo
Francescotti
Intermezzo musichel: Marcel Mussner
Il Gruppo Amici dell’Arte di Riva del Garda nasce nel
lontano 1946, quando un gruppo di artisti e appassionati d’arte, guidati da
Luigi Pizzini e da Giacomo Vittone, diedero
vita e forma a quest’associazione arrivata fino ai giorni nostri. Sono
molte le vicissitudini che ne hanno segnato il percorso. Il Gruppo, a cui hanno
aderito negli anni importanti nomi dell’arte trentina e italiana, si è sempre
contraddistinto anche per un intenso impegno nella valorizzazione e
conservazione dei beni storico-artistici del territorio locale e non solo.
Col passare degli anni, alla guida dell’Associazione
si sono succedute persone stimate e importanti, figure autorevoli e capaci che
hanno saputo infondere la loro impronta garantendo la continuità del Gruppo.
La Galleria civica G. Craffonara del Comune di Riva
del Garda è sede espositiva prevalente del Gruppo, viene valorizzata sempre più
da allestimenti di mostre personali , collettive e da scambi culturali con
altre associazioni . Nella “sede–laboratorio” del Gruppo si organizzano corsi
indirizzati a tutte le persone che desiderano avvicinarsi al mondo dell’arte.
Il Gruppo Amici dell’Arte dal 2012 è
formato da 120 iscritti,artisti e appassionati dell’arte, è presieduto
da Luigi
Meregalli, un veterano del Gruppo, con la sua esperienza
artistica/organizzativa riesce a conseguire ottimi risultati.
L’associazione per la sua
capacità ed identità è riconosciuta dalle istituzioni come un vero e
proprio polo artistico e culturale del Basso Sarca.
I lëures depënc de Andreas Zingerle se muev te n ciamp de tenjion danter
realism y reduzion. La pitures che vën a s’l dé ti semea al pruzes de svilup dla
fotografia analogica. I chedri vën laurei ora y depënc de plu iedesc, nchin a n
cër pont de svilup, canche Ia laurazion vën agaieda. La sëuraspersa dl cheder
se concia ite, tres chësc pruzes, danter imajes tleres y chëles tëurbles,
danter finzion y realtà, la persones fates ju se muev danter recunescibeltà y
anonimat.
L’autentizità dla operes figuratives se mostra
sëuradut tres n mutif che sauta for inò ora y dà tl uedl. L ne vën nia pià via
dal corp dla persona ma l vën adurvà si retrat sot a forma de popa de gumi, de
chëles da abiné sun l marcià erotich. I corps de plastica suflei su vën ngrumei,
ntorc y raidei singularmënter o te grupes y, metui te na forma, vëni culei tl peton
nsci da giapé nultima n mëudl permanënt. La figura umana astrata a livel
ndustriel vën culeda te na maniera plu o manco reéla y metuda te n ciamp de tenjion
danter rapresentazion realistica y perzezion astrata.
Giaurida: vënderdi, 3 fauré 2017 dala ot da sëira (20:00)
Ntroduzion: Vinzenz
Senoner
Mujiga:
Four for sax (Pia Demetz, Alex Designori,Milena Comploi, Christian Senoner)
La
scultures y i dessënies de Franz Canins ie caraterisei da n stil defin persunel,
che nes porta de revieres a l´ert
arcaica. Te si lëures de lën, de bront y de ghips luna ora la formes astrates y
scëmples cun cumposizions plëines de dinamica y forza.
Lothar Dellago alincontra se presënta cun scultures
figuratives sun ematiches y ntraunides ora
dla vita da uni di. Te si lëures ziplei danieura tl lën da castania, tol l motif
dla mujiga y di sunadëures ite na pert mpurtanta.
mostra
Giaurida: n sada ai 8 de utober 2016 dala 6 da sëira.
La grupa de teater de Sëlva fova unida metuda su dl 1966 y n ucajion di 50 ani vëniel fat na mostra. L unirà mustrà fotografies, chedri, films, video, placac y statistiches. Oradechël uniràl nce metù su n palch cun na paladina.
Orar dla mostra: uni di dala 16 nchin ala 19; de sada y dumënia nce danmesdi dala 10 nchin ala 12. De lunesc ie la mostra stluta.
Da lecurdé: ntan l tëmp dla mostra vëniel mustrà te Cësa de Cultura de Sëlva l pez da ri "BEL DA UNÌ MAC" (der reinste Wahnsinn). La rapresentazions ie ai 14 de utober dala 20:30, n dumënia ai 16 de utober dala 17:00, n mierculdi ai 19 de utober dala 20:30, n vënerdi ai 21 de utober dala 20:30 y n merdi ai 25 de utober dala 20:30.
Chertes danora giapen tla butëiga Mini Shop, tel. 0471 794085.
GIAURIDA: 26 de agost 2016 dala 20:00
Ntraunides tl’ert
L’idea
dl proiet nasc dala reflescion dl’esperienza vivuda dal’artista ntan si stude
tl’Academia de Urbino. La mira ie de prejenté ti salamënc dl Tublà da Nives la
tecniches dl culëur y dla grafica, adatedes ala esperienzes artistiches plu
desferëntes.L ie da
udëi doi series de nzijions, acquaforte y linoleum-grafia, doi gran xilografies
y deplù sciablones dla xilografies nstësses sun l tema di crëps. Lëures
grafichs-ilustratives de placac, ilustrazions de lijëndes y cuntìes y pitures
cun tecniches desferëntes a uele, tempera, rispli da culëur, ciarbon y tinta.
Oradechël na lingia de ilustrazions scientifiches for cun tecniches
desferëntes. L tema
dla mostra ne se basa nia sun la tueda artistica de n cunzet unich. Y nce sce
la tematighes afruntedes y la tecniches adurvedes ie desferëntes, ti va Medea
Moroder purempò dò a n fil cuecen persunel ti salamënc dl Tublà da Nives.
Orar - Orario - Öffnungszeiten
Uni di / Tutti i giorni / Täglich 16:00 – 19:00
Dumënia, merdi y vënderdi
Domenica, martedì e venerdì 20:30 – 22:30
Sonntag, Dienstag und Freitag
Lunesc stlut / lunedì chiuso / Montags geschlossen
Giaurida: 28.07.2016 - 20:30
Orar
Uni di: 16:00 – 19:00
Dumënia, merdi, mierculdi y vënderdi: 20:30 – 22:30
Mostra coletiva:
Adolf Vinatzer - Hubert Mussner - Hugo Senoner - Ivan Lardschneider -
Jonas Senoner - Leo Ferdinando Demetz - Otto Piazza - Roland Perathoner -
Samuel Perathoner - Sigmund Linder
GIAURIDA: n sada ai 2 de lugio dala 17:00
Ntroduzion: dut. Marco Forni
Vester natura ie na mostra, n percurs, n cunté
dla natura cun la natura. N lën spieghen cun l lingaz di lëns, n crëp possen me
descrì adurvan si mesuns. Vester natura nasc nsci, ajache tla natura ruven me
ite cun la tleves dla natura.
Silvia De Bastiani: “Canche depënje dezidi de me
smaché ite dl dut, de vester nstëssa natura, de jì ite te ch’l mond smesurà y
pitliscim, de me mescedé cun l soget, de ti cialé da dedite. La pitura che nasc
ie perchël zënza fintes, l ie na lieta adaut de cie che la natura nes dij, l ie
n scuté su. Depënjer ie per me chësc eserzize: jì ite,
giaté y dé de reviers al mond te na maniera rëidla, zënza filtri. Crië da nuef,
naturalmënter”. L acuarel ie n strumënt naturel, na tecnica
che reproduj la regules y i muvimënc dla natura zënza i mudé o sfauzé. L permët
al’ega de vester ega. Si regorer geva, crea lòses, passajes, giaurides y
vijions. Y l crea natura.
Orar
Uni di: 16:00 – 19:00
Dumënia, merdi, mierculdi y vënderdi 20:30 – 22:30
Lunesc stlut
GIAURDIA: sada 7 de mei 2016 dala 17:00
Mostra coletiva cun lëures de Hofer Sonja, Kehrer Franz, Mellauner Albert, Moroder Egon Rusina,
Mureda Manfred, Obletter Anselmo, Pescollderungg Pepele, Piazza Leander,
Prousch Hilda, Quitta Egon, Schmalzl Helmuth, Sommavilla Romeo, Sommavilla Sergio.
Ai 14 de nuvëmber 2015, n ucajion dla festa di „50 ani Scola d’Ert“ de Urtijëi ie nasciuda l’idea de mëter a jì na mostra di sculeies da ntlëuta. Cun i prims che ova dat ju l’ejam de „Maestro d’Arte“, tl 1965, iel unì tëut ite nce i studënc di ani ’66, ’67 y ’68. La ntenzion ie chëla de presenté n cheder de si atività artistica y de si svilup te duc chisc ani. Danter chisc iel 6 scultëures, i autri se dà ju cun pitura o grafica; l se trata de persones de speriënzes che à metù ora si lëures te mostres de livel tlo da nëus y oradeca. N possa dì che i à purtà vivanda tl panuram artistich de nosc raion. N valguni fej nce pea pra l Südtiroler Künstlerbund
Orar
merdi: 16:00-19:00
mierculdi: 10:00-12:00 & 16:00-19:00
juebia: 16:00-19:00
vënderdi: 10:00-12:00 & 16:00-19:00
sada: 16:00-19:00
dumënia: 10:00-12:00 & 16:00-19:00
lunesc: stlut
18.03.2016 -
17.04.2016
Giaurida 18.03.2016 - 20:00
Ntroduzion: Vinzenz Senoner
Intermezzo: Valeria Mussner (flaut traviers), Yanxi Zhang (tlavir)
Orar: Uni di: 16:00-19:00
Mierculdi y dumënia dala 10:00 ala 12:00
GIAURDIA n vënderdì, ai 19.02.2016 dala 19:00
Salut: dut. Florian Mussner, assessëur provinziel per la scola y cultura ladina
Ntroduzion: Georg Demetz
Intermezzo: Frauensingkreis Lajen
“VITES
VIVUDES”
Elisabeth Frei nes lascia udëi te si chedri persones de tëmp pultretedes
te mumënc desvalives dl viac danter passà y daunì, canche i lecorc semea se
desfé te formes dleghedes y sënies che sfanta. La figures vën rafiguredes da dovia dajan nscì la mprescion
de nes to pea - pian via dal pont de ududa nchin al urizont - sun chël troi dla
vita ulache ueies y speranzes se archieta bel plan, ma se mpëia mo n iede dan
jì a piz.
Orar dla mostra
Uni di: 15:30-19:00
Merdi, juebia, sada y dumënia: 10:00-12:00
La mostra resta daviert nchin ai 8 de dezëmber 2015
Orar: uni di dala 15:00 ala 18:00
Da truep ani incà cumpanieia l calënder Raiffeisen n grum de families de Gherdëina via per dut l ann. Śën ie l calënder 2016 inò tlo! Chëst ann iel unì a sl dé tres la cunlaurazion dla Cassa Raiffeisen Gherdëina cun l lizeum d’ert Cademia de Urtijëi. I sculeies dla 4a tlasses grafica à ntan l ann de scola 2014/2015 laurà sun chësc proiet deberieda cun si nsenianc Andreas Linder, Sara Welponer y Katia Mussner, fajan prupostes de grafica y truepa fotografies. Ora de duc chisc lëures iel pona unì cris ora chëi per mëter adum l calënder 2016. Per pudëi mustré duc i lëures nce a n majer publicum vëni metui ora, deberieda ai lëures per l calënder, te na mostra. Ve nvion de cuer ala prejentazion dl calënder Raiffeisen 2016 y ala giaurida dla mostra n juebia, ai 26 de nuvëmber 2015 dala 5 domesdì tl Tublà da Nives te Sëlva.
REFLEXION 1992-201
Viac
tres na fasa creativa
Giaurida: Sada ai 3 de utober dala 18.00
Ntroduzion: Aron Demetz
Intermezzo: Florian Grossrubatscher (E-Music)
Orar: uni di dala 16:00 nchin ala 19:00
Lunesc, mierculdi y vënderdi: 10:00 - 12:00
03.09.2015 -
27.09.2015
Vernissage: n juebia ai 3 de setëmber 2015 da mesa la nuef da sëira
ORAR:#T
Uni di 16:00 – 19:00
Dumënia, merdi, mierculdi y vënderdi 20:30 – 22:30
Lunesc stlut
Artisc che mët ora:
bruno walpoth, gabriele oberkofler,
gerald moroder, gerd paulicke, hannes egger, michael fliri, paul kulnig,
raquel muñoz lópez, saman kalantari, studio++
VERNISSAGE: 7 de agost 2015 dala 6 da sëira
Orar dla mostra: Uni di: 10:00 - 12:00 / 16:00 - 19:00
Merdi, mierculdi, vënderi y dumënia: 20:30 - 22:30
Artisc' de Sëlva se prejënta.
Romana Prinoth ie chersciuda su te Gherdëina y viv y
lëura a Dispruch. La mostra tl Tublà da Nives à sciche titul scëmpl ma purempò
ambiziëus „Schönheit – Bellezza“. Te de plu series chier ëila cun si aparat da
fé fotos la belëza y l’abina danter l auter tl juech, tl muvimënt, tl singul y
tla grupa. A lauré ora l material fotografich digitalmënter – dantaldut fajan n
negatif a culëures, vëniel ora lëures fotografics che ne mostra nia iust la
realtà, ma fej damat cun emozions sciche nce ilujions. Chël che ti cëla à nsci
l’ucajion de abiné ora zeche che à mé da nfé cun ël, ulache humor y ironia de
sé cun dut à si pert propi perchël. Recunëscer la belëza tl scëmpl, tla cosses
da uni di y ti fé fazion ie la gran ndesfideda che Romana Prinoth ie bona de
mostré su cun gran savëi te chësta mostra.
Giaurida: 4 de lugio 2015 - dala 18:00
Orar de giaurida: uni di 16:00 - 19:00
Merdi, mierculdi, vënderdi y dumënia: 20:30 - 22.30
Lunesc stlut
Arnold Dall’O viv y lëura a Bulsan. L à studià al’Accademia
di Belle Arti de Unieja da Emilio Vedova, laurova sciche duzënt per design de
comunicazion al’Academia de Bulsan y culaburea cun de plu editëures. L mond artistich de Arnold Dall’O reprejentea n cosmos per
si cont: framënc, lecorc y elemënc decuratifs tëuc ora dala realteies plu
defrëntes de natura ogetiva y sogetiva va un sëura l auter, vën spustei o
cuncei su da nuef. Elemënc che ie metui adum danter l auter da cëves y corps de
tieres, pec dla massaria per maië, organs dla persones, tòc de tesć de retlam y
d’economia crësc adum te n mond de pensieres cuntei che descëida ora emozions. Avisa tan desfrënt sciche Arnold Dall’O ti va permez ala
tematiches, l fejel nce cun la tecnica. Si gran chedri vën cumpletei cun ogec
plastics, che vën a se l dé cun i materiai plu desfrënc, sciche bront, cëira,
reja, drap o mitel.
15.05.2015 -
14.06.2015
GIAURIDA: 15.05.2015 - 18:00
Ntroduzion: Valentine Kostner
Intermezzo: Valeria Stuflesser (tlavier), Marie Stuflesser (flaut)
ORAR DLA MOSTRA:
Uni di: 16:00 - 19:00
Ve., sa. y dum.:10:00 - 12:00
Lunesc stlut
Mostra de scultures y depënc cun lëures de Egger Lienz, Nikodem,
Prachenski, Stolz, Kasimir, Hönich, Thöny, Pinggera, Albin y Anton
Pitscheider, Murer, J. Kostner y d’autri.
La vieres porta destruzion y lascia n uet nia mé materiel ma dantaldut spirituel. I artisć ie povester chëi che l sënt l plu, ajache iust ëi ie scialdi sensibli y zic y i se lascia tré ite mo deplù emozionalmënter. L artist adrova te chësta situazion dramatica l’ert per pudëi se delibré da duta la tëmes y dai sentimënc che l fej patì. L ie sciche na terapia per sé nstës.
L’opres metudes ora tl Tublà da Nives rejona de sentimënc y de suferënza per una o l’autra viera. Les dëssa vester na sburdla per pensé do. L vën dat pëis dantaldut ai lëures sun la prima viera, ma sëuraprò iel nce reflescions defrëntes n cont de d’autra vieres, nchin su a nosc tëmps. La scultures ie unides fates da nosc artisć de Gherdëina y i depënc tol ite moleri de nosc raions. L spetadëur possa se lascé ite tla situazion te chëla che chëst’ opres ie unides fates y nce purvé a ntënder l messaje che les uel nes dé inant.
Do avëi udù i dessënies “Krieg” de Otto Dix à Erich Maria Remarque scrit: “Chiche vëij chisc chedri y ne mpermët nia de juré contra la viera, ne possa nia se cunscidré na persona!”
Giaurida: 23 de auril 2015 dala 20:30
Ntroduzion: Georg Demetz
Intermezzo: Fredesc Ploner (vidula)
Orar dla mostra: da merdi a dumënia dala 15.30-18.30.
L lunesc resta stlut.
Vernissage: 06.03 2015 dala 20:00
Ntroduzion: dr.a Lisa Trockner
Intermezzo: Valeria Mussner (flaut), Verena Felderer (erpa)
Orar de giaurida:
Uni di dala 10:00 ala 12:00 y dala 16:00 ala 19:00. Sada stlut.
orar
24.12.14 _ 06.01.2015: 10:00 - 12:00 / 16:00 - 19:00
25.12. & 31.12.2014: stlut
07.01. _ 25.01.2015: 16:00 - 19:00
dai07.01.2015: sada stlut
„c’è ancora tempo“ ie l titul dl’opera y scumenciamënt dla mostra dl’artista de urtijëi martina stuflesser.
„c’è ancora tempo“ ie da ntënder sciche pensier politich contra la viulënza, la ngiustizia, la desvalivanza y la rëscia. l’artista auza ora la funzion dl’ëila y de si lëur, sotrissea la belëza dla natura, che vën tëuta sota l udlon y metuda tl zënter dl’azion y dla vita.
„c’è ancora tempo“ ie n manifest, speranza de davanië tëmp, de mudé idea, de pensé autramënter y nia per ultim na dedica a si uem che ie unì a mancé da puech.
VERNISSAGE Sa., 20.09.2014 - 18:00
L rejona:
Dr. Lukas Plancker - Assessëur de chemun
Dr. Florian Mussner - Assessëur provinziel
Dr. Wolfgang Moroder - Presidënt Museum Gherdëina
Ntroduzion dl autor prof. Wilhelm Lutz cun vijita ala mostra
Intermezzo: Grödner Geigenmusik
Buffet cun spëisa da paur
Orar: Uni di dala 16:00 ala 19:00
Da n juebia nchin n dumënia nce dala 10:00 ala 12:00
Lunesc stlut
Pultrec dl nridlamënt y di ciamps de Gherdëina l ann 1956
L raion-cultura sotstà tresora a mudamënc che ne lascia mei do. I ie majeri sce la forzes economiches che duminea ie stersces. Nsci iela nce te Gherdëina.
I mudamënc dla strutures economiches te Gherdëina che ie piei via tla segonda metà dl 19ejim secul y che ie deventei for plu stersc do la Segonda Viera Mundiela – tl prim a Urtijëi, ma pona nce a S. Cristina y te Sëlva – à purtà a n auter cialé ora dl nridlamënt y dl raion. Luesc ie unii dac su y suvënz trasfurmei o lascei jì n malora; l lëur ti ciamps à tl prim damprovia y pona dl dut perdù si senificat, i ciamps ie jic n vara. L palancin tipich dl tublà à perdù si funzion.
Sun sburdla de na nrescida sun la geografia de Gherdëina fata da mi prufessëur d’Università de Dispruch, dr. Hans Kinzl, ti ani 1950, ei sun mi vijites y chertes desseniedes purtà ite mo d’autra pertes dl raion y tl medem mumënt nce pultrà ju luesc y nridlamënc. I pultrec fova tl prim mé n aiut per tenì a mënt l lëur fat, ma i à tl medem mumënt nce documentà l raion cun si nridlamënt y i ciamps te Gherdëina l ann 1956. I permët nsci de auzé ora mo deplù y te na forma unitera i mudamënc dl raion-cultura de Gherdëina tl ultim mez secul.
Wilhelm Lutz
Vernissage: 14.08.2014 - 18:00
Ntroduzion: Alessandra Redaelli (critica d’ert)
dr. Lukas Plancker (assessëur de chemun)
Intermezzo: Daniela Demetz
Orar:
Uni di: 10:00 - 12:00 / 16:00 - 19:00
Mer., mier., ven. y dum.: 20:30 - 22:30
Sada stlut ora che n sada ai 16.08.2014
Stories de na scëmpla umanità eroica
N Crist scialdi uman, tan uman da ne vester belau nia da cunëscer ora, ie mbrucià sëura nëus sun si crëusc grovia. La pel che spientla, la cërn vënta, i braces che semea uec monce te si posizion, desflei ju ma nturtidlei y cun n senificat tan sutil da fé marueia. L Crist de Leo Ferdinando Demetz nes vën dant sciche senià dal picià – y te chësc ie l artist de na modernità che fej mprescion – l se cuncretisea sciche jì dojù, sciche se lascé jì. La belëza maiestëusa lascia pro na nterpretazion nueva ulache l murì per i picëi dla persones devënta nce n murì per la deblëzes y la miseries dla medema persones.
Purempò ie Demetz bon de nes cunté dut chësc zënza pierder l balanz che ie de na sort de lesirëza, y de na belëza naturela che ne vën mei mancia. L artist che sà bën co lauré l lën y namurà dla figures zipledes à tëut la dezijion de fé raidé si mostra persunela nueva ntëur a chësc Crist y à nsci fat su, sciche zënza, na galaria de retrac plëns de grazia y de stories che tira pea.
Chësta figures lesieres zipledes cun na bona man – a na maniera de rënder la cunsistënza dla pel, de auzé ora avisa i particuleres de na esprescion – tl lën de linda, da castanies y de zirm semea unì su cun fadia dai parëies o rumpì ora dal cuer de n lën per gauja de na alchimia magica. L ie eroes che lecorda zeche de epich, saudeies che cun si corni grandiëusc devënta condotieres da snait; l ie angiuli de na belëza lucënta che nasc mo n iede cun n cuer nuef y n spirt nët mustrà su tres eles jëunes che crësc dal piet ora. Ma l ie nce ëi y ëiles perdui te si vita trangujeda da uni di, maridei resseniei, vedli umiliei, perjunieres stluc ite te si sënn chiet, ëi schicei dala vita reprejentei cun na morsa che ti stluj pro l cë. Y jëuni che chier tla natura y te si ravises vërdes l fin de si ejistënza y sëuravivënza, la delibrazion per n daunì che possa unì docà.
Vernissage: n vënerdi ai 11 de lugio dala 20.30
Orar de giaurida: uni di dala 16:00 ala 19:00.
De dumënia, merdi, mierculdi y vënerdi nce
dala 20:30 ala 22:30.
De lunesc resta la mostra stluta.
Behausung,
dimora, ncësa ie l titul dla mostra coletiva che
la lia culturela Tublà da Nives mët a ji n culaburazion cun l Südtiroler
Künstlerbund de Bulsan. Undesc artisc mët
ora si lëures, che va dala pitura ala scultura, dala nstalazion al film y
tematisea l cunzet dl ncësa, che ie per uni un zeche d’auter, ma che per uni un
raprejënta nce na luegia, n post o na situazion de vita ulache n se n stà bën y
se sënt segures y da cësa.
Curadëures dla mostra: Marion Oberhofer y Lisa
Trockner.
Artisc' che mët ora: Stefan
Alber, Thiago Bortolozzo, Harun Farocki, Daniel Künzler, Lena Lapschina, MDMM,
Philipp Messner, Planète Concrète, The Wa, Felix Tschurtschenthaler, Maria
Walcher.
Na mostra dl Südtiroler Künstlerbundes n cunlaurazion cun la lia "Tublà da Nives"
Mostra fotografica de Adrian Bischoff.
Giaurida: Merdi ai 10 de juni 2014 dala 6 da sëira
L sona l "Luca & David Acoustic Duo"
Urganisazion: Ufize Parcs Naturei & Lia per l Turism de Sëlva Gherdëina
Orar dla mostra:
Uni di dala 16:00 ala 19:00
Mierculdi y dumënia nce dala 10:00 ala 12:00
Lunesc iel stlut
Ai 20 y ai 21 de juni resta la mostra stluta
L fotograf tudësch Adrian Bischoff se à spezialisà tl presenté i crëps iluminei te na maniera „nventeda“ da d‘ël adurvan na tecnica drët persunela y estlusiva. Cun chësta tecnica realiseiel fotografies faszinëntes y muda nscila la perspetives de chëles che nëus sciche spetadëures son usei a udëi. N vijitadëur de si mostra minova che chësta fotografies ie „sensaziuneles, les mostra mi crëps coche ie ne n’é mo mei udui, mistics y plëns de respet. Adrian à giaurì cun chësta tecnica straordinera n capitul nuef tl ciamp dla fotografia.“
Adrian Bischoff ie nasciù ai 14 de nuvëmber 1959 a Frankfurt. Do la scola de ublianza àl studià economia, ma si pascion per la fotografia fova tan granda che l se à dedicà deplënn a chësta. Dl 2000 àl venciù l „Louis - Buiton Award“ per la fotografies dedichedes al argumënt “Sot’ega”, dl 2005 ti iel unì sëurandat l “Canon ProFashional Photo Award”, l prëmi fotografich plu mpurtant dl mond dla moda ti Paejes Tudësc. Dl 2003 àl metù man cun na lingia de sperimënc cun tecniches desvalives per iluminé crëps y montes. Ti ultimi vint‘ani àl fat pea cun si creazions fotografiches pra deplu mostres coletives ti Paejes Tudësc, Austria y Svizra. Adrian ie maridà y à cin mutons.
Manifestazions ntan la mostra
Sëira de ciarceda de prudoc de Südtirol
N juebia, ai 26 de juni 2014 da mesa la nuef da sëira (20:30)
Presentazion: Belsy y Florian
Entreda: € 8,00 (chël che vën trat ite vën dat n beneficënza)
L sona i "Pitli musizisc' de Gherdëina".
Manifestazion metuda a jì n cunlaurazion cun la butëiga dai vins Riffeser, la
butëiga dal ciajuel Valin y la butëiga B&M Auer
„Brüder am Seil“
N dumënia ai 29 de juni 2014 – dala 20:30:
Presentazion cun i fredesc Favresse y Sean Villanueva
Pitl cunzert de Andreas Schaerer y cumpanies.
Entreda debant
Sëira de ciarceda de prudoc de
Südtirol
N mierculdi, ai 2 de lugio 2014 da mesa la nuef da sëira (20:30)
Entreda debant
L sona l musizist Andreas Unterholzner presentan si program “Underwood music”.
Manifestazion metuda a jì n cunlaurazion cun la butëiga dai vins Riffeser, la
butëiga dal ciajuel Valin y la butëiga B&M Auer
Vernissage: 12.04.2014 - 18:00
Saluc: dr. Peter Mussner, ambolt
Ntroduzion: dr. Lukas Plancker, assessëur ala cultura
Relazion: Egon M. Rusina
Orar dla mostra:
Uni di: 10:00 - 12:00 & 15:00 - 19:00
Lunesc iel stlut
Egon Moroder Rusina, artist de Urtijëi nasciù dl 1949, prejënta ti cater salamënc dl Tublà da Nives na instalazion de 150 chedri sul tema “Flà”. L se trata de pitures feter monocromatiches, de dessënies cun l rispl y de tesc scric che Rusina à laurà ora ti ultimi 3 ani. L instalazion ie spartida su te trëi zicli, sun chësta tematiches:
a)
Atman tl nibl
b)
L tëmp dla nëif
c)
Slaier dl dlà
I trëi temesc che te si senificat formel
semiëssa vester desferënc, cuntemplea alincontra la medema cossa: la lerch
nfinita dl uet, l nia, l tëmp che passa zënza fin.
“Atman” ie na vedla parola dl sanscrit (India)
che descrij avisa l senificat dla parola ladina fla. Chësta tematica vën mustreda da Rusina cun 80
chedri (uni cheder singul ie de 70x50 cm) de culëur monocromatich turchis,
metui adum te na unica instalazion de 15 m de lunghëza per 2 metri de autëza.
“Nëif” ie per Rusina l cunzet che miec de duc cuntemplea l vester te si passé zënza fin. L se trata de n tema elaburà da Rusina ntan i ultimi 3 inviërns passei tla montes, dessenian me cun l rispl. L instalazion de 36 chedri (per n total 8 m x 1,5 m) mostra su la cuntreda de nëif belau astrata, desseniëda cun na cumpëida nfinita de risses finiscimes, belau sciche n desert blanch.
Tl “Slaier dl dlà” vëij Rusina n mond rie da capì, sibe te si scumenciamënt che te si fin. La cumposizion ie data da n adum de chedri cromatichs che va dal violet-cueciun al violet-brum (7 m x 1 m).
I dessënies y la pitures de Egon Moroder Rusina ie fates ala lergia, sui 2000 m de autëza de Resciesa-Cuecenes. Ël depënj tl sulentum dla montes y se nuzea dl introspezion y dl’analisa dl’ana per ruvé ala ravises de si vester. For inò se damandan, cun spirt critich cunvenciù, ciun che ie l vëir senificat y l valor dla vita y dl nia.
Giaurida: 26.02.2014 - 18:00
Orar: Uni di 16:00-19:00
Merdi, vënderdi y dumënia nce 10:00-12:00
L’ert cuntemporanea tl astratism geometrich de Egon Senoner
I lëures tl stil neoplastich de Egon Senoner, caraterisei da n naturalism persunel, ie da mëter n relazion cun l astratism geometrich. Dal’autra pert iel rie cuncé ite Egon te n stil tler y definì. La geometria de si lëures y la sinfonia plajëivla de si culëures, nasc plu che auter da si talënt naturel individuel. Mondrian, l pére dl astratism geometrich y nce Doesburg, se nuzova de culëures primeres, Egon Senoner al’incontra, se lascia ji ala fantasia de na cërcia plu lergia de culëures vives y svaiënc. A chësta maniera nascel n’ert dl soget, ulache l intelet descrij cun sënies y linies y cun simboi che conduj de reviërs ala realtà y limitea l soget a si forma plu scëmpla. Tl mesaje artistich y poetich di chedri de Egon Senoner se fej lerch l aspet emozional plutosc che chël estetich. L simbolism adurvà mostra la formes urijineres dla natura te si essënza geometrica.
Del Bene Berardino (trad. dr. Leo Senoner)
06.10.2013 -
03.11.2013
Giaurida n sada ai 5 de utober 2013 dala cinch domesdi.
Orar: dal lunesc al vënderdi dala 15:00 ala 18:00. Dumënia dala 10:00 ala 12:00. Sada resta la mostra stluta
La mostra vën metuda a jì n cunlaurazion cun l Cunsëi de Furmazion de Sëlva, la Lia Cultura y Usanzes y l Cunsëi de Pluania.
La troht, guant da Sandì
I sandis univa vivui da nosc antenac cun gran sentimënt religëus y denità n unëur a Idie. N se ncunfertova a pudëi tré sëura la troht dantaldut dala gran pruzescions. L furnì sciche toca n ucajion de pruzescions y mësses neveles stajova dassënn a cuer de uni oma che cialova de njinie ca dut l guant a puntin. L fova n gran lëur cialé do la troht dala gherlanda spiza, dala cazina y slapa. N ova da sterché i culeresc y i pieseli dla manies, magari fé nueva pintes o na auzeta al gurmel, cumedé su l carsetl o l chitl, bixené i ciauzei dala stlera. Ma l plu bel fova tò ca l bossl cun la filzes de curei. Cie legrëza che n ova, cie emozion che n vivova y chësc bele i dis dan l Sandì. Y l di de festa pona, se sentiven unerei pudëi tré sëura la troht. (Sce l fova plu mutans sun n luech da paur, suzedovel nce che nia dutes pudova se furnì dala gherlanda spiza, che mé chëla fova la troht dla jëunes, y les ova na gran mueia.
Ce mpurtanza dajons'a mo nëus ala troht? Iela pa mé plu n bel record di tëmps passei, de zeche da zacan? Cun ce sentimënt la trajons'a sëura?)
Nosta bela troht dala Gherdëina fej pert de nosta cultura y ie na flëura de biei culëures y de esprescion soziela. La ie richëza dl spirt de mentalità de na epoca che ie unì tramandà da generazion n generazion y fej perchël pert de nosta identità.
Nosta mostra de fotografies y la trohtes ie n giuel de nosta cultura che lieia l passà al prejënt, che descëida lecorc de mumënc y persones che on cunesciù, che dà ahta y respet ala festes religëuses - ai Gran Sandìs - che renforza nosc vester culturel y soziel de nosc ncësa.
Pudon vester stolc sun nosta bela troht, l guant da Sandì.
VERNISSAGE: 13.09.2013 - dala 20:30
Helene Demetz (scultura), Ottavia Demetz (pitura),
Roberta Perathoner (ceramica), Gabriella Ploner (scipa).
Curadëur: Aron Demetz
Cater ëiles, cater salamënc y cater tentatives desferënc de svilupé y ti lascé na lerch a si sëmies. Cater artistes de Gherdëina che se destaca dal cunzet tradiziunel de ert y chier stredes nueves per ti ruvé permez ala persones cun vijions alternatives. La artistes lëura cun materiai y tecniches desferëntes, ma ti ruva daujin al figurativ y al oget de gra a si furmazion y ala vijions individueles. I lëures metui ora tl Tublà da Nives ie per la majera pert nueves y mostra su na gran afinità cun l feminil, sibe tla cerduda di ogec che nce tla tecnica de lëur. La posizions desferëntes se chier te n at de cumprenjion di cuntenuc plu soc y abina nsci n fil uniter.
VERNISSAGE: N juebia ai 22 de agost 2013 da mesa la nuef da sëira
Orar: uni di dala 10:00 ala 12:00 y dala 16:00 ala 19:00
Dumënia, merdi, mierculdi y vënderdi dala 20:30 ala 22:30.
Lunesc stlut
Monumënc al essenziel
L’opra de H.J. da Passua viv dla tenjion criativa y dla ispirazions de n scultëur che chier dai ani la reduzion formela per ti ruvé permez al miol dla cosses. Tla majera pert de si lëures giapen pea chësta dimenscion spirituela: la sublimazion dla materia.
Hermann Josef mostra la persona te n valguna verscions: chëla tlassica dla scultura rëita tla posizion fërma tl tëmp, statica zënza emozions, zënza abelimënc, desnuda.
Pona chëla repurteda ala proporzions dla lerch, cun na scipa tëurbla che fej da parëi y che lascia luné tres n’autra figura sciche alujion al bujën de comuniché.
Y pona la verscion cun la persona sciche sumënza dla cultura senteda ite organicamënter tl ciaud dla seves natureles, da ntënder povester sciche n “totem”. O nce la persona nsieveda y abramida – per la cunservé? – tl cajo dla seves dala scipes scadredes.
Scialdi garateda ie la cumbinazion dl corp cun elemënc dla natura sciche curnisc fina ntëurvia, na curnisc che semea ti dé sosta al crëscer dla persona tan giut che la ne sfanta nia devëntan for plu setila y lesiera, ma che des?iarian si pëis possa mo crëscer tl spirt.
Nia mé ajache la figures ie bele stilisedes y slesieredes per si cont ma plucheauter per via dla cumposizion geometrica cun pulsions sibe verticheles che urizonteles, pieta i lëures de Hermann Josef la ucajion de purté l pensier te n mond dal sënificat metafisich, arlevan l uedl tla cuntemplazion dl essenziel.
Georg Demetz
VERNISSAGE n vënderdi, ai 2 de agost 2013 dala 6 da sëira
Orar: uni di dala 10:00 ala 12:00 y dala 16:00 ala 19:00
Dumënia, merdi, mierculdi y vënderdi dala 20:30 ala 22:30.
"Assoluto Visivo"
La mostra riunisce oltre 20 fotografie e installazioni fotografiche dell’artista Carlo D’Orta,
alcune già esposte in primavera in una personale presso il Museo di
Arte Contemporanea Palazzo Collicola di Spoleto, altre tra maggio e
giugno a Milano in occasione della fiera internazionale di fotografia
MIA Fair 2013 e a Roma in una personale presso lo Studio Lattanzio
Group. L’esposizione è accompagnata dal catalogo “La Biologia
dell’Inorganico” (Romberg editore).
“Le città hanno trame sottili che
a volte si rivelano per quello che sono, textures di una vita che
scorre anche sotto o dentro le geometrie sensibili. Carlo D’Orta indaga
la superficie delle città, segue il concetto di una trama che avvolge la
realtà con una nuova pelle. La città moderna, verticale, ha un suo Dna
proprio nelle geometrie delle architetture, nei punti di collegamento
tra l’interno e l’esterno, tra il paesaggio urbano e la vita nascosta
della gente. Il fotografo fa emergere una sorta di natura biologica
nell’affrontare l’epitelio urbano…” (Valerio Dehò) (*)
“Carlo D’Orta è
un ‘biologo’ del paesaggio contemporaneo, un ricercatore sottocutaneo
che scava sotto il primo strato dell’apparenza urbana, dove le strutture
diventano sinapsi architettoniche, dove i macroelementi richiamano il
micromondo cellulare. Il suo occhio ragiona con un principio scientifico
e una attitudine pittorica, secondo equilibri complessi mai automatici,
sul filo di una razionalità che interpreta i codici del reale, scovando
l’ambiguità praticabile tra figurazione e astrattismi.” (Gianluca
Marziani) (*)
(*) dai testi critici pubblicati nel catalogo “La Biologia dell’Inorganico”, Romberg editore, 2013
Nuef artisc jëuni de Südtirol che se à dat ju cun l argumënt dl lën y
che mët ora lëures aldò. I stii sciche nce la formes d’ert ie dl dut
desferënc y propi perchël iel da se ncunfurté sun na mostra plu che mei
nteressanta y varia.
VERNISSAGE n vënerdì, ai 5 de lugio 2013 dala 20:30
Orar: Uni di 16:00 - 19:00
Dumënia, merdi, mierculdi y vënderdi: 20:30 - 22:30
Lunesc stlut
Che mët ora: Peter Senoner, Hubert Kostner, Michael Sailstorfer, Bertram Kober,
Diego Perathoner, Paul Feichter, Thomas Sterna, Arnold
Holzknecht.
Curadëur: Tobia Moroder
Tublà da Nives - Südtiroler Künstlerbund
Mostra di ciulieres N cunlaurazion cun l Touriseum de Maran y l Museum Ladin
Mostra de depënc
Mostra dla Lia per l artejanat artistich de Sëlva
"Il Giro racconta" mostra ambulanta
N cunlaurazion cun la lia per l turism de Sëlva
ν La Scola Mesana de Sëlva mët a jì ti cater selfs dl Zënter manifestazions cultureles “Tublà da Nives” na mostra artistica cun materiai de refudam rezitlei.
Duc i sculeies à abù la puscibltà de desmustré coche n pò fé ert cun d’uni sort de materiai de refudam, coche per ejëmpl pec de computer, tòc de radio, butons, lumes, ciauzei, struplons, bozes de plastica, roles y nsci inant y svilupé cun gran fantasia y criatività de drëta operes d’ert.
L fin de chësc pruiet ie chël de fé pensé do duc canc, sibe jëuni che manco jëuni, sun la gran mont de refudam che n produj uni di te nosta cëses y sensibilisé la jënt a mëter plu a verda cie che n tol tla mans, cie che n adrova veramënter y scumencé da nëus nstësc a adurvé cosses y materiai che se lascia rezitlé y produjer nsci manco pestaria.
Ntan l’ëures de educazion artistica y chëles de tecnica y nce ntan l’autra materies à i sculeies cun si nsenianc y nseniantes laurà ora de
pitla opres d’ert, che duc arà l’ucajion de udëi metudes ora tla mostra, che unirà giaurida n sada ai 30 d’auril 2011 dala 10 danmesdì. L di dla giaurida purterà dant i sculeies nce pec de mujiga, poejia y bal, che à da n fé cun chësta tematica.
Mostra dla Lia ARTejanat ARTistich de Sëlva
07.05.2026
Juebia, 07.05.2026 - dala 19.30
"Ursus Brenta" documentea n viac straurdiner de viers dla ultima lores dl'Elpes. L fotograf Horst Eberhöfer dla Val Venuesta prejenterà si liber nuef cun fotografies da marueia y tesć persunei y mustrerà nce n filmat documenter scialdi mpresciunënt dla vita de chisc tieres tl raion dl Brenta. Ël i à cumpaniei cin ani alalongia (2021-2026) per de ndut bën 340 dis. Cun la telecamera àl tëut su te si ani d'atività la belëza chieta dla fauna alpina. Si fotografies desmostra respet, ujinanza y n liam sot cun i tieres salveresc dla montes.
Horst Eberhöfer ie un di miëur fotografs di tieres y à nce venciù n valgun pesć mpurtanc.
Ntreda liedia.
Juebia 23.04.2026 - 18.00
Ciaculeda cun Martina Rier
Marco Forni (1961) à scrit de plu tesć de carater soziolinguistich, storich-etnografich y lessicografich. L fej atività didatica y de nrescida sun l stude dl lessich, dla gramatica y dla traduzion.
Tl 2013 iel unì ora si prim roman ”Una parola negli occhi“ per la sortes Edizioni Forme Libere (Pest leterer ”Francesco Gelmi de Caporiacco“, tla sezion: miëur test „A casa nella lingua“). Dl 2020 àl venciù la otava edizion de ”Salva la tua lingua locale” - sezion Premio „Tullio De Mauro“ cun l Dizioner talian-ladin-gherdëina. Tl 2023 iel unì numinà cumëmber dl „Centro di Studi Filologici e Linguistici Siciliani“.
Stimedes
cumëmbres, stimei cumëmbri,
Cun plajëi ve
nvions ala senteda generela dla lia culturela „Tublà da Nives“ n mierculdi, ai
8 de auril 2026 tl zënter culturel “Tublà da Nives” te Sëlva. La prima
cuntlameda dla senteda ie dala 00:45, la segonda cuntlameda ie dala 20:00.
Ordn dl di:
• Ntroduzion dl
presidënt Salut dl’autoriteies
• Relazion atività mostres 2025
• Rendicont finanziel 2025 y situazion de cassa
• Prejentazion atività culturela 2026
• Cooptazion de Dolores Senoner tl cunsëi diretif
• Desvalives
Ëiles&Stëiles
Cultura al feminin tla Ladinia
Cun:
Tel Tipes
Cristina De Grandi
Helene Demetz
Irene Moroder
Anna Anvidalfarei
Redazion dla revista Gana
Sun l argumënt "Ëiles&Stëiles - la figura dl'ëila tla sozietà de al
didancuei" se baratel ora:
Hannelore Insam, Irene Prinoth, Jasmin Ferdigg y Lotte Nogler
Moderazion: Martina Rier
Daldò:
Aurela curta cun DJane Elena Pitscheider
La ntreda ie liedia.
L vën prià bel de resservé la lerch scrijan a info@tubladanives.it o n messaje WhatsApp al numer 333 7166471.
21.12.2025
SABINA WILLEIT
sopran
Ëila ie
nasciuda a Bulsan y ie chersciuda su te Sëlva. Sabina se à diplomà te cianté
cun la valutazion plu auta. Tl 2001 ala venciù l cuncors As.Li.Co. a Milan.
Ëila à nterpretà plu de 25 pertes da prutagonista te operes liriches che va dal
tlassizism ala mujiga moderna te festivai talians y europeics y te teatri de prestisc,
deberieda cun dirighënc cunesciui a livel nternaziunel. Ëila fej nce truep cunzerc coche liederista y cianta regularmënter coche
solista cun l’urchestra.
GIORGIO
FASCIOLO
tlavier
Musizist etletich, se à Giorgio Fasciolo metù adum ti ani n repertore persunel de nrescida, se pensan ora programs da cunzert, che lieia la mujiga cun l test. Ël à nterpretà cun l orgun l’opera omnia de J. S. Bach y sun l tlavier al sunà i majeri zicli di “Lieder”. Giorgio ie pianist ma nce cumponist y diretëur d’urchestra.
Per stlù ju la mostra "Audide, audide..." dl portal ladin vëniel metù a jì na Finissage cun n cunzert. L sarà da audì la grupes "Chëifreejazz" y "Panda la 9".
Mpurtant:
la ntreda ie debant, ma n muessa resservé la lerch scrijan na email a: info@tubladanives.it
CHËIFREE JAZZ
La grupa "Chëifree Jazz" ië nasciuda tl ann 2011 n ucajion dl „Bunter Abend“ a Urtijëi per fé la pert musichela de n bal de ciantarines cun mujga swing y jazz, aldò de na idea y coreografia de Nadia Moroder. Ntlëuta ova fat pea Nadia Moroder (usc y bal), Viktor Canins (violon), Raimond Irsara (chitara y sax), Florian Grossrubatscher (bateria) y Eva Vinatzer (tlavier). N valgun ani do ie ruvei leprò Tobias Klassen (tlavier) y Maikol Demetz (bataria); ëi juda ora unitant canche l va debujën de na majera armunisazion. Do chësta esperiënza à la grupa fat inant cun la furmazion Nadia, Viktor y Raimond per purté dant cianties y pec cun nfluënzes nternaziuneles coche jazz, bossanova y chanson franzëusa. L inuem "Chëifree Jazz" ie unì ispirà dal chëifer y mudan la fin dla parola da -fri a -free fajan pensé al free jazz. La grupa scrij ënghe nstës cianties y Nadia ciancia y scrij tesc' per la cianties dl repertoire di Chëifree Jazz per gherdëina, che permët ai scutadëures de scuté su la mujiga fajan n’autra esperiënza nteressanta y particulera.
Nadia Moroder - usc, saxofon | Raimond Irsara - chitara, usc | Viktor Canins - violon | Tobias Klassen - tlavier
PANDA LA 9
Diretamënter dai Raps dl Sela, Panda la 9 ie n culetif rap ladin metù adum da trëi ziplamadones: Tiotena, Tendrum y Flaco. Si stil de mujiga? Rie abiné na definizion – n feter turcenamënt. Cun truep amor per la cultura ladina ie si miscion: “Make papaciuei tl lat great again”.
Marc Senoner - usc | Luca Langgartner - usc
Te n mond ulache lëures criatifs nasc scialdi debota y nce cun la nteligënza artifiziela, lëures fac do, falsifichei, laurei ora, publichei,
metui ora, stampei y metui sun l marcià, iel for plu y plu mpurtant savëi nce coche la ie cun i dërc de chësta opres y ciun dërc che à
la persones che les à fates.
L aucat Anton von Walther à na gran cumpetënza te chësc ciamp y se da jù cun chësta materia che ie tl lëur de se mudé scialdi aslune. Ël ti dajerà n’udleda de coche l ie n generel cun i dërc y coche n possa fé per scuné
i lëures tl ciamp dl’ert. Oradechël mustreràl n valgun ejëmpli che ie ruvei dan suneria, ciuna rejons y duvieres che à n scritëur, n artist y nce n editëur y ciunes che ie la cunseguënzes sce zachei va a viulé i dërc d’autëur. La sëira ie n juebia ai 20 de nuvëmber dala ot da sëira te Tublà da Nives te Sëlva.
Nteressei dëssa se nuzé de chësta ucajion pergiapé nfurmazions de prima man. Dantaldut te Gherdëina iel truepa persones che fej ert y l ie mpurtant a savëi coche ie la situazion te si cajo.
Moderazion: Lukas Plancker
Titlá („fajëde mé“) ie stat, dan urmei passa 30 ani, la
resposta de n ost ala dumanda, sce n pudëssa pa fé mujiga te si local. Da
ntlëuta ie la grupa Titlá l simbol per la mujiga populera nueva tl Sudtirol y
ntujiasmea for inò l publich.
Cianties tradiziuneles ciantedes tl dialet puster fej pert dl repertore coche
nce sonns irlandesc, celtics y yiddish. La composizions scrites dai mëmbri dla
grupa, n pert grovies y da carater, fej la mujiga de Titlá unica y ti à purtà
suzes y aprijamënt nfin sëura i cunfins dl Sudtirol ora. La cianties va a
urëdla y conta stories, datrai melanconiches, datrai da rì y vën ciantedes tl
dialet per cunvinzion: dal iodler al landler nfin pra la polka – mujiga
autentica y ntensiva, che ne se lascia nia nfluenzé dala modes mujicheles dl
mumënt y che resta nsci defin particulera.
Titlá ie:
Peter Riffeser – vidula y viola, usc
Hermann Kühebacher – baga, sciblot, flaut y usc
Toni Taschler – armonica, tuba, usc
Eduardo Rolandelli – chitara y bouzouki, usc
Peter Paul Hofmann – contrabas, armonica diatonica y percuscion
Ntreda: 10,00 € - Cumëmbri: 8,00 €
Per apusté la chertes: Whatsapp 333 71 664 71, info@tubladanives.it
PULTREDES, ANEDOC, ESPERIENZES PERSUNELES, MINONGHES
SOZIELES Y VEL’ STORIA DA RÌ.
D’ansciuda dl ann 2024 à Ivan Senoner tëut la dezijion de
se tò n ann sabatich per realisé un di sëmies che l ova bele canche l fova
pitl: fé na raida ntëur al mond. Nscila se à svilupà man man l’idea cuncreta de
sté demez per adés cater mënsc, jan a vijité nazions de chëles che l ova liet y
audì truep, ma che per rejons plu desfrëntes ne n’ovel mei pudù vijité. ”Mi
raida ntëur al mond” ie stata na esperienza de viac y de vita che l à purtà te
cater cuntinënc y te nuef nazions, jan de viac dassëul ma nce ancuntan sun
streda trëi cumpanies de viac. Sëuraprò à Ivan Senoner mo pudù jì a crì cater
persones de Gherdëina sparpaniedes ora per l mond, che l à fat sentì da cësa
nce canche l fova milesc y milesc de chilometri dalonc da si ncësa. I posć
vijitei fova n sustanza i USA West Coast y East Coast, la Polinesia Franzëusa,
la Nueva Zelanda, l’Australia, l Iapan, l Laos, la Cina, l Vietnam y ala fin mo
la Thailandia. L se à nuzà de joler, ferata, curiera, roda, auto, bastimënt y l
à nce fat na trata per trëi dis sun na berca a vëila; i chilometri a pé ne à
sambën ënghedeno mancià. L ie propi vëira coche scrijova l filosof Arthur
Schopenhauer: “L suzed mé ntan i viages: n mëns nes sà plu lonch che cater
mënsc passei a cësa.”
Stimedes cumëmbres, stimei cumëmbri,
Cun plajëi ve nvions ala senteda generela dla lia culturela „Tublà da Nives“ n juebia ai 13 de merz 2025 tl zënter culturel “Tublà da Nives” te Sëlva.
La prima cuntlameda dla senteda ie dala 00:45, la segonda cuntlameda ie dala 20:00.
Ordn dl di:
• Ntroduzion dl presidënt
• Salut dl’autoriteies
• Relazion atività mostres y manifestazions 2024
• Rendicont finanziel 2024 y situazion de cassa
• Prejentazion atività culturela 2025
• Prejentazion di candidac y dla candidates per l cunsëi diretif nuef
• Vela dl cunsëi diretif nuef 2025-2028
• Desvalives
Cunzert per l d Di dl'Ëila
L cianta y sona:
Carmen y
Marion Insam
Jenni
Perathoner
De Cater
Nadia y
Natalie Moroder
Erika Mussner
y Judith Piccolruaz
Che liej dant: Nadia Rungger
Moderazion: Martina Rier
Ntreda cun buanda: 15,00€, cumëmbri 12,00€
Prenotazion chertes: Whatsapp 333 71 664 71 info@tubladanives.it
L trio CORDES Y BUTONS prejënta si album nuef “perig”. Cun si mujiga nvieia la grupa a n viac mujichel dala Elpes ora per l mond, faszinan chiche scota su cun melodies plëines de sentimënt, ma nce temperamënt. “perig” ne ie nia mé n album, ma n’esperienza cumpleta, che lieia adum la tradizion dla mujiga “da stua” y folclor global.
L sona y cianta:
Tamara Gamper – vidula y usc
David Moroder – armonica a
butons
Reinhilde Gamper – zitra y usc
Ntreda debant - dunfierta liedia
29.11.2024
Teater tla rujeneda tudëscia.
Rejia: Alexandra Wilke
Produzion: Markus Westphal
Atëures: Alexa Brunner, Laura Masten, Katrin Rabensteiner, Markus Westphal als KI
N cunlaurazion cun l Cunsëi de Furmazion de Sëlva
Dunfierta
Apusté la chertes possen tres whatsapp 333 7166471 o scrijan na email a: info@tubladanives.it
L jurnalist y scritëur de Verona, Lorenzo Fabiano prejënta si ultima fadìa leterera che rejona de diesc ntraunides sportives che à caraterisà si nfanzia, les metan n relazion, da una pert cun si prozes de chersciuda tl raport cun i mic dl sport y dal’autra cun la situazion soziela y politica particulera dla Talia di ani ’70, danter crisa economica y ani de plom y terorism. Lorenzo Fabiano à scrit per “l’Arena di Verona” y l “Corriere del Veneto”, ie sën jurnalist liede (free-lance) y à n liam strënt cun Sëlva y Gherdëina, ulache l vën n feries da canche l fova pitl y che ël nstës descrij sciche si segondo ncësa.
Katia Moling:
vidula, viola, usc
Jan Moling:
percuscion, handpan, didgeridoo
Gota ie l duo de
Jan y Katia Moling, fra y sor da La Val. L repertoire musichel va da sonns
meditatifs y mistics de handpan, viola y usc, a atmosferes arcaiches y tribales
cun l didgeridoo y ritms energetics dla percuscions. L cianté per ladin giapa
esprescion tres tematiches che reverda l cunliamënt danter natura, emozions y
vita.
Ntreda debant.
Mëisa turonda per tudësch:
Che fej pea:
Christoph Moar, espert IT
Dr. Simon Kostner, dutor
Markus Klammer, critich d'ert
Hannes Senfter, jurnalist
Lukas Plancker, moderazion
Urganisation: Cunsëi Furmazion de Sëlva
Tl cheder dla mostra “Nosc uciei” tl Tublà da Nives, nvieia la Lia Uciei Gherdëina a na jita.
Stimedes cumëmbres, stimei cumëmbri,Cun plajëi ve nvions ala senteda generela dla lia culturela „Tublà da Nives“
n merdi ai 27 de fauré 2024 tl zënter culturel “Tublà da Nives” te Sëlva.
La prima cuntlameda dla senteda ie dala 00:45, la segonda cuntlameda ie dala 20:00.
Ordn dl di:
• Ntroduzion dl presidënt
• Salut dl’autoriteies
• Relazion atività mostres 2023
• Rendicont finanziel 2023 y situazion de cassa
• Prejentazion atività culturela 2024
• Desvalives
Atëures: Laura Masten, Markus Westphal
Rejia: Alexandra Wilke
Ntreda: 10 €, cumëmbri 8 €
Prenotazion dla chertes: mob. 333 7166471 - info@tubladanives.it
Presentazion cun i autores Marco Manfrini y Simon Constantini
Moderazion: Wolfgang Mayr
N Stat tlamà Südtirol – mé na ilujion o n scenar da pudëi se nmaginé? Passa cënt ani do l’anescion ala Talia vëniel te n liber nuef dal titul »Kann Südtirol Staat« fat per l prim iede lum n cont dl’idea cuncreta de n stat de Südtirol ndependënt.
N team de scienziac, prufessëures, blogger, autëures se à dat ju a fonz cun chësc argumënt da ponc de ududa desfrënc. I ie unii sustenì da esperc de Südtirol y da dut l mond. L liber mostra tres resultac de scuviertes ciun vares che n muessa fé per mëter mpe n stat. Tl liber, che unirà prejentà n juebia ai 23 de nuvëmber tl Tublà da Nives, vëniel stlarì ucajions, resiedes, cundizions y strategies desfrëntes.
Mëisa turonda cun:
Egon Rusina, artist
Lidia Bernardi, presidënta dl Schi Club Gherdëina
Sabina Willeit, ciantarina d’opra
Alex Vinatzer, atlet de schi alpin
Tres la sëira mëina Lukas Plancker
Sibe tl sport che nce tl’ert vala de arjonjer velch. N titul da campion dl mond, na recunescënza y bona critica d’ert ti massmedia. L va de prestige, de resultac, de meric y ala fin de arjonjer l miec chen ie boni de deventé. Sport y ert ie doi argumënc che à deplù cosses deberieda. Y a fé tramedoi ativiteies vala de avëi disciplina y arteniënza, de mustré mpëni y de vester lezitënc. Mé l talënt sëul ne tleca nia. Audiron ulache l ie la paraleles de chësta doi ativiteies y ciunes che ie la desfrënzes de chësta doi ativiteies carateristiches per nosta valeda de Gherdëina.
Paroles de salut: Leo Senoner, Monika Senoner
Ciaculeda dl autor cun Rainer Demetz
Mujiga de Georg Malfertheiner
Mentidlona, senziera, ntorta, tlera,
per nia, de utl, ueta, plëina;
purempò, n possa se la raidé coche n uel,
la parola
ie l mesun de chël che on de bujën
per comuniché danter nëus y cun i autri.
“Wein ist mein ganzes Herz” ie l titul la sëira de mujiga y dl ciarcé vins, che vën metuda a jì tl Tublà da Nives, n lunesc de Carnescià. Christina Lasta y Toni Taschler nes lijrà dant teles da rì n inuem dla pascion per l vin ntan che i musizisc' de inuem Helga Plankensteiner (savofonn) y Michael Lösch(tlavier) depënj la sëira cun de vedla y nueva ciantes dla bona ueia.
La manifestazion vën metuda a ji n lunesc, ai 20 de fauré 2023 dala 8 da sëira te Tublà da Nives. Chi che à nteres de unì a ciarcé vel bon got de vin servì su dal sommelier Elvis Costa y a s’la lascé jì bona cun de bela mujiga dal vif ie de cuer nvià a se lascé nuté su sota l numer 3337166471 (nce whatsapp) o scrijan a info@tubladanives.it . La ntreda costa 30 euro.
Meludies d’Avënt.
Ntreda debant
„Oswald auf Reisen“
Mujiga dal'Urient nchin al Uzidënt cun l Trio Nubium
L "ultim" ciantadëur Oswald von Wolkenstein fajova viages drët lonc per chëi tëmps. Te chësc cunzert fejel da mëinajita turistica mpue ora per i paejes ulache ël ie stat, lascian audì cianzons tipiches da iló. Nscila peiel via da Sudtirol passan per la Talia, la Franzia y la Spania nchin tla Nghiltiera, y dala Grecia nchin tla Persia y inò de reviers. L Trio Nubium prejenterà chisc pec sunan sun d’uni sort de strumënc.
TRIO NUBIUM
Giti Huber, cianté
Martina Schäffer, chitares, luito, mandolina
Konrad Huber, cianté, chitara, violon
Ntreda debant
A song, a cello, a troubadour.
Ntan che la vita ti à dejdrù l cuer, à Mara passà la majera pert dla prima stluta tl liet. Dantaldut bradlan.
Legrimes de cocodril plutosc grandes.
Canche la ova pona capì che se nciurnì cun alcol y tabach ne fova deguna soluzion, ala scumencià a scri n valguna cianties.
Danz - ma nia da se fe marueia, cianties trangujedes.
Na lauda ala malinconia. Na stima ai cueres fruziei!
N valguna gotes. N mpue de humor.
Aspitëve na performance ju de corda (ma nia mé) dla “Cello-Troubadourin” Mara Miribung.
Mé per chëi che i plu da snait.
https://www.youtube.com/watch?v=BGUTgc9Rkn8&ab_channel=maramiribung
Si pascions ie la mujiga y l poetry slam y avisa chëstes proa Georg Malfertheiner y si fëna Irene Moroder, de cunlië sun palch y chël per l prim iede. L garaterà n menu mujichel cun sonns percusifs y tesc´ purtei dant tla trëi rujenedes de nosta provinzia.
Ntreda debant!
N ucajion di 60 ani da canche l’ultima ferata suflova tres Gherdëina ite y ora, fossel unì metù a jì tl 2020 l proiet dal titul „La ferata - danter passà y daunì“ cun na na lingia de manifestazions. Pervia dl’aria che suflova ntan chësc ultim ann y mez, ie l proiet unì śarà ite y restà sun na scina morta ... Purempò fovel doi persones che jiva for inò cun la ferata y chisc doi pensova do adaut. Sce ëis l bunder cie che ti jiva tres l cë a chisc doi ntan che i furnova a ..., sëis de cuer nviei a unì ala sëira leterera “Vagonstila”. I doi scritëures Ivan Senoner y Rut Bernardi lascerà inò rundenì l sciblé dla ferata che nes menerà te n daunì nuef.
La ntreda ie debant, ma lueges ie da resservé danora
scrijan a info@tubladanives.it o 333 7166471 (WhatsApp).
L vën lecurdà che n possa mé jì ite cun l Green Pass.
Performance de mujiga y teater ora dla pëna de Anita Pichler
Ursula Scheidle - atëuraLa
ntreda ie debant, ma la lueges ie da resservé danora scrijan a:
info@tubladanives.it o 333 7166471 (WhatsApp).
L vën lecurdà che n possa mé jì
ite cun l Green Pass.
Cunzert de mujiga tlassica sun la pianista Eva Vinatzer y la flautista Valeria Mussner.
Melodies da Mozart nchin a Puccini
Na segonda rappresentazion saral dala 21:00
Ntreda debant y mé cun l Green Pass
Kabarett-Conferencen von Fritz Grünbaum mit Carlo Emanuele Esposito
Wahnwitzige Monologe, bei denen die Kollegen buchstäblich zu Affen mutieren, das Publikum immer schuld ist und reizende Frauen
nicht wegzudenken sind. Ein Programm mit Lachgarantie, wo alles auf den Kopf gestellt wird.
Nach
diversen singenden wie rezitierenden Auftritten im Kulturzentrum „Tublà
da Nives“ in Wolkenstein, stellt sich der Bozner Schauspieler und
Moderator Carlo Emanuele Esposito bei diesem online Live-Event als “Stegreifsprecher” auf die Probe.
Emilio Comici: „Balarin sun i crëps dla Dolomites“
Cuntìa
teatrela de vita, mprejes y pascions dl arpizadëur triestin cun y de Carlo
Emanuele Esposito.
La Dolomites possen se goder te deplù manieres: ti cialan,
les arpizan o nce les cuntan. Chësc spetacul uel cuntè la mprejes dolomitiches dl
arpizadëur triestin, che te si ultimi ani de vita à vivù te Sëlva, ulache l ie
mort, mo jëun, per n nzidënt banal. Monologhs rezitei y referimënc biografics se mescëida cun
imajes y meludies dl’epoca. Nscila uel la usc che conta spieghé la vita de
Emilio Comici, si pascion senziera per la Dolomites, si viajes, si amisc y
amors y si ntraunides tragiches.
cun Carlo-Emanuele Esposito
HAVE YOURSELF A MERRY LITTLE CHRISTMAS
Evi Mair - usc
Tl 2009 ie la Dolomites unides recunesciudes sciche Patrimone mundial dl’umanità UNESCO. Sën che l ie passà 10 ani, savons’a perdrët ciche chësc uel dí? Cie cumportel pa? Cie vantajes ons’a? Ciuna ie pa l’autra pert dla bedaia? Tan inant ulons’a fé cunëscer mo deplù nosc raion che ie bele tan cunesciù? Y dantaldut: co pudons’a fé a tré ora mo deplù scioldi dal’UNESCO?
Do mënsc y mënsc de stude desperà nes prejënta Simon Kostner n esclusiva la respostes a chësta dumandes – dantaldut al’ultima, che ie de mpurtanza fundamentala per l daunì dl raion dolomitan y de si jënt.
Davia che l ie me 90 lueges da garat Ve perions bel de apusté la lerch danora scrijan a info@tubladanives.it (mob. 333 71 66 471)
10,00 € / 8,00 € (per cumëmbri)
Sepp Messner Windschnur, l ciantautor plu de tëmp de Südtirol ie for mo ncantëur cun si chitara. Y l ie nce drët atif: iust da permò al finà de tò su 14 cianties nueves y nscila dajeral nce ora n CD. Ntan chësc cunzert lasceral audì cianties vedles da pudëi cianté pea ma l nes prejeneterà nce si "songs" nueves, for cun la medema ironia y satira. Ncunfertëve sun na sëira mpue autramënter!
Davia che l ie me 90 lueges da garat Ve perions bel de apusté la lerch danora scrijan a info@tubladanives.it (mob. 333 7166471)
Sëira de cunzert cun cëina gulëusa, mujiga y poejia
Moderazion: Heike Vigl
Direzion: Andreas Senoner
Chertes danora giapen tl Ufize de Turism de Sëlva
PROGRAMM 2019
Donnerstag, 19.09.2019
17.30
Uhr ERDE
20.00
Uhr ARCHITEKTUR
UND UNENDLICHKEIT
Freitag, 20.09.2019
17.00
Uhr FREE SOLO
19.30 Uhr PARASOL PEAK
Wenn
er kommt, dann schießen wir!
mit
anschließendem Q&A mit
Jona Salcher
Samstag, 21.09.2019
15.00
Uhr IMMER
UND EWIG
mit anschließendem Q&A mit Fanny Bräuning
18.00
Uhr
THE ICE WATCHMEN mit anschließendem Q&A mit Fabio Olivotti
20.00
Uhr MANASLU
15.00
Uhr THE
DAWN WALL
17.30
Uhr SIEGERFILM - bester Kurzfilm
SIEGERFILM - bester Dokumentarfilm
Prejentazion dl liber “Ferrari. Gli uomini d’oro del Cavallino“ - Ritratti di nove eroici piloti che hanno fatto la storia della Ferrari e della Formula Uno.
L autor nstës Umberto Zapelloni sarà presënt.
Ntreda liëdia
"Fridays
for Future" ie n slogan che trueps cunësc y che à nvià via na discuscion
nueva ntëur al tlima de nosta tiera y de si scunanza. La jëuna Greta Thunberg
ie la portausc y ativista dla scumenciadiva y à descedà gran nteres sëura dut l
mond. Nce te nosc raion ie la defendura dla natura argumënt de mpurtanza.
Nteressei ie perchël nviei al "Forum Sëlva" ulache l argumënt
"La scunanza dl tlima y i jëuni - mé na moda o propi n model per l
daunì" vën metù su mëisa y ulache l sarà deplu reladëures. N puderà audì
la jëuna Noemi Call de Al Plan de Mareo che studiëia a Bonn, Gudrun Esser, jurnalista de Rai Südtirol, Alexander
Larcher dla scumenciadiva "Generazion Tlima" y Klaus Egger, cunsulënt
per comunicazion y sustenibltà. La moderazion sarà tla mans de Esther
Videsott.
Nce ti minonga ie de mpurtanza. Te ies de cuer nvià ala sëira!
Sëira cun fudlamënc y strambaries purtedes dant da Ivan Senoner (test) y Engl Colcuc (mujiga).
Mé chiche vën mascerà giaperà nce la panicia :-)
Ntreda debant
NVIT ALA SENTEDA GENERELA
cun plajëi Ve nvions ala senteda generela dla lia culturela „Tublà da Nives“, n merdi, ai 29 de jené 2019
tl zënter culturel “Tublà da Nives” de Sëlva. La prima cuntlameda dla senteda
sarà dala 19:45 y la segonda dala 20:00.
Ordn dl di:
• Salut dla autoriteies y ntroduzion dl presidënt
• Prejentazion dl’atività dla lia tl ann 2018 y prejentazion n curt dl
prugram de lëur dl ann 2019
• Situazion de cassa
• Prejentazion di candidac y dla candidates per l cunsëi diretif nuef
• Vela dl cunsëi diretif nuef 2019-2022
• Desvalives
Do la pert ufiziela Sëis nviei a Ve to n bon got n cumpanìa.
dut. Leo Senoner
Presidënt
Reinhilde Gamper - zitra y usc
Tamara Gamper - vidula y usc
David Moroder - armonica
Ntreda debant
L „Doggi“ fova bele te "Tublà da Nives" dan 3 ani y ova cun si cabaret fat ri duta la sala. L „Doggi“ ie inò anjenià cun n program nuef ma danterite y danterora puderan nce audì i „Hits“ sciche „Jesolo“, „Himpr Pimpr“ y sambën nce i majeri suzesc di ultimi 10 ani. L ne mancerà segurdeno „Dor Franz vom Grödnertol“, „Hymne an die Tscheggl“ y „Feirum“. Unide a Ve devertì y a passé na sëira ulache mujiga y ironia ie al ordn dl di.
Davia che l ie me 90 lueges da garat Ve perions bel de apusté la lerch danora scrijan a info@tubladanives.it (mob. 333 7166471)
Pra la sëira de descuscion „Forum Sëlva“ se anconta trëi generazions y conta de si esperienzes de vita.
L fajerà pea bera Tobia Insam da Paratoni (87 ani), Marco Forni de Sëlva (57 ani) y Valeria Mussner de Sëlva (23 ani).
Moderazion: Vinzenz Senoner
Na sëira dedicheda ala chitara y a si bela cianties. Deplu sunadëures y ciantautores lascia audì „covers“ y/o si cumposizions. Palch liede per mujiga d’uni sort cun i pasciunei dl bel sonn dla chitara.
Turnoi „Blitz“ de scioh cun referat Deplù jugadëures garejea contra l averser.
Iscrizions nchin ai 21.04.2018 cherdan su l numer 345 88 35 488
Urganisazion: Lia cu lturela „Tublà da Nives“ yLia Schach Gherdëina
Cunzert da d’ansciuda per flaut traviers y tlavier. Cumposizions de Ravel, Saint Saëns, Fauré, Bizet ...
Ntreda debant
Cabaret te Tublà da Nives
„Viel guat essen“ cun l Praxenknecht
N sada ai 18 de nuvëmber iel sun l program na raprejentazion de cabaret dal titul „Praxenknecht in viel guat essen“. L protagonist te chësc pez de cabaret ie na persona dl dut normala, ma a chëla che la ne ti à nia massa butà: la fëna se n ie demez cun i mutons, dlonch ora iel asilanc y i ujins omosessuei se compra n bel gran BMW. Y ël rata bën de avëi for fat dut drët te si vita: for laurà, paià la chëutes, for stat apuntin, mei stat nfidel y jit cun d’autres, tan che mei mentì. Ma sën bastel: „Iats hol i die Prax“ dijel.
Ntreda 10 Euro
Per apusté chertes: info@tubladanives.it
Referat de Ingrid Runggaldier
Sëlva, Tublà da Nives
Tla
storia dl’arpizeda ie l’ëiles tan che nia da udëi: si inuemes ne n‘ie
nia cunesciui, si meric nia recunesciui. Ma nce l‘ëiles à scrit la
storia dl alpinism. L ie, danz, n’autra storia che chëla che vën cunteda
de solit. Te si referat vëniel descurì pregiudizies, la nes conta
stories de vita de alpinistes y nes mostra su si mutivazions. L ie na
nrescida storich-culturela di aspec spezifics dla storia dl alpinism
feminil.
Tla mostra coletiva “Mi crëp” nvieia la lia “Tublà da Nives” duc i nteressei a fé pea metan n mostra si relazion persunela cun si plu bel crëp te na maniera artistica. L fin ie chël de ti dé a duc l mesun de ti cialé ai crëps, ala montes da n auter pont de ududa y crië deberieda na mostra coletiva.
Fé pea possa duc, granc y pitli. Na giuria fajerà pona na selezion danter la idees che vën mandedes ite. Dé ite possen pitures, dessënies, fotografies, grafiches, scultures, leteratura, film, animazion, spot, mujiga, azions, nstalazions y proiec (documentei tl scrit y fotografia sciche nce te “social media”).
L tiermul per dé ju la idees (tres email a info@tubladanives.it) ie nchin ai 4 de juni 2017. N dëssa se nuzé di formular da scri ora che n possa desciarië ju sun chësta plata. I partezipanc dëssa mandé ite n dessëni, na foto o n rendering de si lëur cun la descrizion che va debujën (titul, material, mesura, ann). Lascedes pro ie prupostes sibe n 2D sciche nce 3D. Uni partezipant/a possa dé ju al plu 3 lëures.
Aldò dla prupostes mandedes ite saràl pona la giuria a dì ciun lëures che ie adatei a unì metui ora.
TERMINS:
nchin ai 4 de juni 2017: mandé ite i lëures
tres email.
6 de juni 2017: la giuria se anconta per dezider chiche possa
mëter
ora
8 de juni 2017: I partezipanc vën nfurmei tres email sce si
lëur ie unì azetà o no.
5-6 de setëmber 2017: I lëures vën dac ju tl “Tublà da Nives”
9 de setëmber 2017: Giaurida dla mostra; la mostra ie davierta
nchin ai 6 de utober.
PEST: Danter chëi che fej pea uniral dat n pest dl publich. Sciche pest saral na jita a crëp te Gherdëina. Sce l ëssa da vëncer n jëunn sota 18 ani pona ti uniràl dat na cherta per ji tl Adventure Park "Emozion Col de Flam" a Urtijëi.
Anutazions: i partezipanc che ie nviei a fé pea dëssa dé ju si lëures aldò di termins y ie ubliëi a unì a se tò i lëures dò la mostra. Ntan la mostra ne n’ie i lëures nia segurei
Nfurmazions plu avisa giatëis scrijan a info@tubladanives.it
RUDI PERATHONER PREMIÀ A NEW YORK.
L architet y cumëmber
fundatëur dl Tublà da Nives, Rudi Perathoner, à venciù l pest de
architetura A+ Architizer Award. L se trata de n cuncors de architetura
metù a jì sun i social media, a chël che partezipea uni ann passa 5000
proiec, valutei da na cumiscion de 400 architec.
Rudi à venciù l
pest tla categoria “cëses de abitazion nchina 4 partimënc” cun si
proiet “Black Eagle”, na cësa privata fata tl 2016 te Sëlva. Ti fajon i
miëur cumplimënc y ti mbincion inant suzes y legrëza cun l'architetura. Bravo Rudi!
Matinée “Couleurs”
“Couleurs” ie n proiet sota la direzion de Karl Huber ulache culëures vën trasfurmei n maniera musichela te sonns y juesc de sonn. Sculeies dla scoles de mujiga de Südtirol che sona l’armonica (Akkordeon) mëina tres chësc mond musichel da culëur y tira ite l scutadëur te n’atmosfera da plajëi y scialdi nteressanta. Sun l program iel operes ora de deplu epoches (Bach, Frescobaldi, Scarlatti, Gubaidulina, Hosokaw y n.i.). che unirà presentedes n forma solistica ma nce cun deplu musizisc´. L cunzert sarà n dumënia ai 30 de auril danmesdì; la ntreda ie debant.
L pest de 6.500 Euro metù a ji dal SKB (Südtiroler Künstlerbund) n culaburazion cun la Fundazion Cassa dl Sparani de Südtirol va al scultëur Aron Demetz
L pest SKB ie da ntënder sciche testimunianza de stima per prestazions
particuleres tl ciamp dl’ert. Premià vëniel l’opera cumpleta dl artist, nia lëures singuli, cun referimënt speziel a persones che cun si lëur à dat n cuntribut relevant ala vita
culturela de nosc raion. L pest SKB vën sëurandà a
artisc dl ciamp dl’ert figurativa, leteratura, architetura y mujiga. Aron
Demetz descënd da na
familia de scultëures de
Gherdëina. Tl 1986 àl
scumencià l studio tla scola d’ert de Sëlva, jit inant nchina l 1993 tla scola prufesciunela dl
ziplè y depënjer for te Sëlva. Tl 1997-98 studio de scultura pra l prufessëur Christian Höpfner tl’Academia d’Ert a Nürnberg
ti Paejes Tudësc. Aron
Demetz possa mustrè su na cumpëida mpurtanta de mostres persuneles y coletives te Europa,
Asia y America. Dal 2010-14 iel stat prufessëur de scultura tl’Academia d’Ert de Carrara
(Toscana). Pra la 53ejima Mostra Biennale de Unieja àl metù ora deplù lëures tl Pavillion dla Talia.
Aron
Demetz ie nce cumëmber dl
cumitè scientifich dla lia culturela Tublà da Nives te Sëlva.
Letura de Paul Demetz cun mujiga de Georg Malfertheiner n lecort dla scritëura Frida Piazza.
Frida Piazza, nasciuda dl 1922, fova na pioniera dla leteratura y dla nrescida dla rujeneda ladina. Danter si truepa publicazions de uni sort – leteratura lirica y n prosa,
ma nce scric de carater sagistich y de nrescida lessichela – ie la
cuntia „L Nost“ povester si lëur plu mpurtant y ratà da trueps l prim
romann ladin. Frida Piazza ie morta ai 3 de nuvëmber dl 2011.
Na sëira deletëula, te chëla che i sonns dl lingaz ladin y dla mujiga lascia reviver l’atmosfera, la vita y i personajes tla valedes ladines zacan.
Ntreda debant:
Urganisazion: Museum Gherdëina
NB: Tl foyer dl Museum tla Cësa di Ladins iel da udëi dal 20 de auril inant
na nstalazion sun „L Nost“ realiseda en culaburazion cun i curadëures
dl’arpejon leterera de anda Piazza y Lizeum d’ert „Cademia“; tla
Biblioteca ladina pudran consulté i libri dl’autëura Frida Piazza
Dokumentarfilm, Zeitzeugnisse und Musik anlässlich des 50. Jubiläums der legendären Horrorkomödie „Tanz der Vampire“ von Roman Polanski.
Matthias Höglinger zeigt seinen Dokumentarfilm zu den Filmdreharbeiten in Gröden und auf der Seiser Alm.
Mit
von der gruseligen Partie sind die Zeitzeugen Professor Edgar Moroder
und Eugen Obletter mit bissfesten Anekdoten und Erinnerungen rund um die
damaligen Hollywood Stars. Als Spezialgast zum Anbeißen begrüßen wir
Emanuel Esposito mit blutigen Gesangseinlagen aus dem gleichnamigen
Musical, am Keyboard begleitet ihn Eduard Demetz.
Masken sowie Faschingskostüme passend zum Thema sind ausdrücklich erwünscht.
sona: Ursula Thaler (zitra), Erika Thaler (Hackbrett), Sabine Gamper (chitara), Viktor Canins (violon)
Entreda debant!
Projekt CONNECT - Jëuni y Tecnologia
„L nflus dla comunicazion digitela sun la vita
da uni di di jëuni“
Sëira de discuscion ntëur a n argumënt atuel y
nteressant dantaldut per i jëuni.
Ghesc´: Tobias Klassen, Hannes Mussner, Alessandra Kostner, Francesca Callegari, Max Mussner
Moderazion: Christine Senoner
Selva Gardena
Centro Carabinieri Addestramento Alpino di Vallunga
Inizio ore 16:30
(in caso di maltempo lo spettacolo si svolgerà in Piazza Comune alle ore 21.00)
«I giovani non hanno bisogno di prediche, i giovani hanno bisogno, da
parte degli anziani, di esempi di onestà, di coerenza e di altruismo.» Sandro Pertini
Spettacolo teatrale con immagini multimediali e musica dal vivo sulla vita e gli insegnamenti di Sandro Pertini
Regia di Gianni Furlani e Mauro Bertozzi
Musiche dal vivo eseguite da Tiziano Bellelli, Emanuele
Reverberi
e Riccardo Sgavetti
Immagini a cura di Lidia Scalabrini
Con il patrocinio di:
Senato della Repubblica
Presidente della Camera dei Deputati,
Fondazione Sandro Pertini,
Comune di Reggio Emilia
Regione Emilia Romagna,
Istituto Alcide Cervi
Associazione tra i familiari delle vittime della strage alla stazione di Bologna del 2 agosto 1980
Sota l titul "Perde" à l ciantautor ladin Jean Ruaz tëut su deplu cianties y chël a Havanna ulache l se à ancuntà cun n valgun musizisc’ cubans. Ora de chësta cunlaurazion ie nasciuda na produzion dut ntëur scialdi nteressanta y da truep culëures, cun cumposizions nterpretedes da nuef y te na maniera da plajëi. Jean Ruaz cianterà sibe per ladin che nce per talian y nglëisc. Iust la rujenedes se liëia te n valguna cianties crian dainora na armunia, n barat culturel che passenea ite drët bën cun la cultura ladina. L ciantautor badiot vën cumpanià da musizisc ezelënc sciche che ti dajeràna nota particulera al cunzert y ala sëira.
Jean Ruaz - chitara y usc
Francesco Dallago - chitara bassa
Loris Dallago - bateria
Matteo Cuzzolin - saxofonn
Ntreda debant.
Quietsch-verliebt
in Val Gardenia”
Carnescià tl Tublà da Nives
Sëira de cabaret y chanson cun acumpaniamënt mujichel (armonica) cun Ingeborg Bliem Esposito, Brigitte
Canins (sopran), Carlo-Emanuele
Esposito, Harald
Pröckl
(akkordeon).
Mujighes de Zarah Leander, Jacques Brel, Georg Kreisler, Ralph
Benatzky, Pigor&Eichhorn, Brühne/Balz ed altri.
Dureda dla raprejentazion: 60 menuc.
Entreda: 10 euro (cumëmbri 8 euro)
Mascres y furnimënt da Carnescià ie bënudui
Da tenì cont: N possa apusté la chertes danora scrijan a press@tubladanives.it
Spazëve ajache l ie mé ca. 80 posc’ da senté.
„Die Gemeinwohlökonomie als Antrieb für eine regionale und nachhaltige Entwicklung“Vortrag von Klaus Egger - Kompetenzzentrum für Zukunftsfähigkeit von Wirtschaft & Gesellschaft (Terra Institute)Nachhaltigkeit
ist in aller Munde. Doch wie vernetzt man regionale Strukturen zu einem
gemeinsamen Ganzes indem sich alle Bürger_innen mitgenommen fühlen? Wie
schafft und erhält man wirtschaftlichen Wohlstand, ohne dass dabei die
Schwächsten und Leisen vergessen werden? Die Gemeinwohlökonomie als
praktisches und anwendbares Modell kann diese Entwicklung unterstützen
und Teil einer neuen regionalen Entwicklung werden.
Beginn: 20:30 - Kulturzentrum "Tublà da Nives" - Wolkenstein
L vën scumencià da mesa la nuef da sëira (20:30)
L „Doggi“ prejënta cun chësc program nuef danter l auter i „Hits“ nasciui ultimamënter sciche „Jesolo“, „Himpr Pimpr“ y sambën nce i majeri suzesc di ultimi 10 ani. L ne mancerà segurdeno „Dor Franz vom Grödnertol“, „Hymne an die Tscheggl“ y „Feirum“. Unide a Ve devertì y a passé na sëira ulache mujiga y ironia ie al ordn dl di.
ENTREDA DEBANT - Dunfierta
SËLVA - TUBLÀ DA NIVES - dala 20:30
On l plajëi de Ve nvië al „FORUM SËLVA“ - sëira de discuscion sun ”La Gran Viera ududa dala trëi grupes etniches” te „Tublà da Nives“ te Sëlva. L rujnerà l dr. Hans Heiss, la dr.a Elfriede Perathoner y l prof. Giorgio Mezzalira. Moderazion: Lukas Plancker. Argumënt dla manifestazion sarà la Gran Viera, si miti y si desfates, cuntedes, nterperetdes y discutedes da trei ponc de ududa, da trei storics, uni un fesc pert de una dla trëi grupes
etniches che viv sen n pesc sun noscta tiera, che dan cent foa mo al zenter de n cumbatimënts de viera.
La sëira mët man dala 20:00.
„Mujiga y paroles“
Sëira de cabaret cun Simon Kostner dla Val Badia.
Al tlavier: Renzo Huber
Ntan la sëira puderan ciarcë „Sekt“ dl ciulé Praeclarus.
Leprò ne possa sambën nia mancé i crafons da Carnescià...
Entreda debant!
Il pacco regalo più grande delle Dolomiti
A Natale è usanza scambiarsi i regali e anche l’associazione culturale Tublà da Nives di Selva Gardena ha pensato di non poter venir meno a questo principio. Su iniziativa dell’architetto Rudolf Perathoner e con il supporto finanziario dell’Associazione Turistica di Selva è stato confezionato un pacco regalo speciale. La parte vetrata (cubo) della struttura Tublà da Nives è infatti stata impacchettata a regola d’arte con un telo speciale color rosso porpora e tanto di fiocco dorato. Si tratta invero del pacco regalo più grande delle Dolomiti, confezionato da 13 uomini nella notte dell’antivigilia di Natale e ora da ammirare nel centro della località di Selva. L’azione promossa dall’associazione culturale Tublà da Nives è da intendersi come regalo culturale alla comunità di Selva e di tutta la Val Gardena e anche come attrazione turistica del periodo natalizio. Il centro culturale Tublà da Nives è stato inaugurato quatto anni fa. L’omonima associazione culturale offre un ricco programma artistico e culturale con mostre ed esposizioni personali o collettive, presentazioni, conferenze, simposi, esibizioni artistiche, letterarie, musicali e multimediali. Si può ammirare e visitare il pacco regalo più grande delle Dolomiti dal 24 dicembre al 6 gennaio 2015.
Aufführung um 20:30 Uhr.
EINTRITT FREI
Vom Rosenkrieg bis zur Schlacht um das Sorgerecht, von der ersten
Liebesnacht bis zum Scheidungsrichter ein ironisches Programm zum Lachen
über Themen die eigentlich zum Weinen sind, mit hohem
Realitätsanspruch.
Der Verein “Väter aktiv” hat sich der
landläufigen und vielseits bekannten Probleme, welche während und nach
Scheidungen zu Tage treten angenommen und bringt sie nun in
Zusammenarbeit mit dem Kabarettisten, Autor und Regisseur Dietmar Gamper
auf die Bühnen unseres Landes.
Die Gruppe „VA.THE“ Väter aktiv
Theater, vier Männer und zwei Frauen wenden sich an ein reifes
Kabarettpublikum um sich von ihm therapieren zu lassen und stellen die
absurden Szenen ihres realen Lebens nach, um so am Ende vielleicht auch
das Publikum ein klein wenig mit einer Humorkur zu therapieren.
Ein
Muss für alle verheiratete, für alle geschiedenen und alle
alleinstehende erwachsenen Menschen, sowie für alle Kinder geschiedener,
verheirateter oder alleinerziehender Eltern.
Ai 9 de utober 2014 se anconta tl Tublà da Nives sculeies dla scola mesana y seniores per scuté su la speriënzes de vita de bera Batista Comploi da Tieja y Roman Runggaldier, l paur jëunn dl ann 2014. Manifestazion davierta a duc. L vën scumencià dala 14:30.
L cunzert mët man dala 9 da sëira - Ntreda debant
N viac ntëur al mond dla ciantia populera: dala Puglia ala Sicilia, Sardegna,
Tirol dl Sud, Irlanda, Portugal nchin ai Balcans, cun mumënc de mujiga antica y cianties d’autor.
L sona y cianta: Maria Paola Asson, Silvia Malsiner, Heidi Stuffer y Julia Vigl
Dala 20:30 te TUBLÀ DA NIVES
Rujeneda dl’oma - sci o no? Tant vëniel pa mo rujenà ladin tla families
de Gherdëina? I genitores ie ladins, ma cun i mutons rejoni n’autra
rujeneda. La dr. Anna Demez tën la relazion n cont dl’adurvanza dla
rujeneda ladina te familia y a scola. Ora de si tesi de laurea dal titul
“Rujneda dl’oma - sci o no?” fata tl’Università de Persenon. Da dedò
mëisa turonda cun i ghesć dr. Leander Moroder (diretëur dl Istitut ladin
Micurà de Rü), dr. David Lardschneider (nseniant de ladin y redatëur
de "La Usc di Ladins"), Patrizia Rifesser (nsenianta de mujiga, rejona
dantaldut tudësch te familia y tla vita da uni di) y Rita Piazza
(ciajarina, la vën dal’Ungaria, ie marideda a Urtijëi, rejona ladin te
familia y cater d’autra rujenedes). Moderazion: Vinzenz Senoner.
„Widerstand ist immer gut“
Joseph Zoderer liesc ora de si opres
N ucajion dla mostra „Flà“ de Egon M. Rusina
Tublà da Nives - Sëlva Gherdëina - dala 20:00
L vën scumencià dala 9 da sëira (21:00)
Sëira de beneficënza cun mujiga y leteratura de Noluntas, Tobias Dellago y Ivan Senoner „Fudlé“.
L sarà mé 100 lueges a disposizion.
Entreda cun prenotazion. Per chertes possen cherdé su l numer de telefon 0471 790052 o mandé na email a press@tubladanives.it
TICKETS: per cumëmbri dla lia culturela "Tublà da Nives": 10,00 euro.
Cherta normala: 12,00 euro.
Chël che n trajerà ite unirà dat inant per n fin de bën y plu avisa al ”Südtiroler Kinderdorf”.
Der Lananer durchquert mit einer
Handkamera im Gepäck das gebirgige Baskenland, Kantabrien mit seinen
endlosen Abschnitten auf Asphalt, das sehr eigentümliche Asturien und
das saftiggrüne Galicien mit seiner Hauptstadt Santiago. Nur selten
nächtigt er dabei in privaten Unterkünften, zieht die öffentlichen
Herbergen vor und erfährt die Besonderheit des Pilgerns in seiner
Einfachheit.
Das filmische Reisetagebuch gewährt Einblicke in
sehr persönliche Erfahrungen, die Günther Götsch in den 31 Tagen seiner
Wanderung gemacht hat. Dabei stößt der ungeübte Pilger mit seinem
10-Kilo-Rucksack am Rücken schon bald an die körperlichen Grenzen. Dem
gegenüber stehen die vielen lohnenswerten Erlebnisse inmitten der
hinreißenden Naturlandschaft zwischen Meer- und Bergwelt. So wechseln
sich emotionale Höhen und Tiefen ebenso ab, wie die vielen
Bekanntschaften am Weg.
Regie und Kamera: Günther Götsch
Schnitt: Andreas Niederkofler
Länge: 54 Minuten
Stimeda cumëmbres, stimei cumëmbri.
Cun plajëi Ve nviei ala senteda generela dla lia culturela „Tublà da Nives“,
n sada, ai 23 de nuvëmber 2013 tl zënter culturel “Tublà da Nives” de Sëlva.
La prima cuntlameda dla senteda sarà dala 17:00 y la segonda dala 18:00 dassëira.
Ordn dl di:
• Salut dla autoriteies y paroles danora dl ambolt y dl presidënt
• Presentazion dl’atività fata via per l prim ann dla lia
• Dé pro dl bilanz consuntif y preventif anuel y l rendicont
• Presentazion n curt dl prugram de lëur per l ann 2014
• Ratifica y/o aprovazion dla coopzion tl cumité diretif di cunselieres Roland Perathoner y Georg Planker
• Renuvamënt dla tesseramënt per l ann 2014 (puscibltà de se scrì ite)
• Desvalives
Do la pert ufiziela (che dura nchin ca. la 19:00) Sëis duc nviei a Ve to n bon got y pestlé velch pra l buffet.
Dala 20:00 inant - per stlù via n belëza l prim ann de atività - “L blues y d’autri culëures dla mujiga”. Ntratenimënt per duc tl sëni dla mujiga blues, dl’ert y dla bona ueia.
De gra danora y l Ve saluda cun stima
Vinzenz Senoner
Presidënt
Cunzert n ucajion dla mostra 4x4 - women in art
Gudrun Hartner, erpa
Sonja Leipold, cembalo
Caroline Mayrhofer, flauto a bech
Doris Nicoletti, flauto a traviers
Fabrizio de Rossi Re: A bop be bounce - Ole
Buck: Gymel - Jacques M. Hotteterre-op.III/V: Prélude, Courante -
Gabriele Manca: Conduites d´approche - Jacques M. Hotteterre-op.III/V:
Sarabande, Minuet - Agostino di Scipio:4 variazioni sul ritmo del vento
- Stefano Gervasoni: Due intermezzi - Ned Mcgowan: Wood burn
Entreda debant
Culaburazion danter turism, paures y ambient -
puscibla o ndispensabla ?
La lingia de scumenciadives che va sot al titul FORUM SËLVA dla lia culturela Tublà da Nives va inant n mierculdi ai 12 de juni 2013 dala 20.30 cun n tema mpurtant y de gran atualità per Gherdëina. L argumënt ie la "Culaburazion danter turism, paures y ambient - puscibla o ndispensabla?". De cie viëres muessen pa jì y cie iel pa da fè per mëter adum i debujëns de categuries y nteresc desferënc? Turism y economia se scontra suvenz cun i debujëns dla natura y de chiche straverda l ambient. Danter ite iel i paures, che vif a cuntat cun la natura y che dà n cuntribut ndispensabl al mantenimënt dla cuntreda, defin nce tl nteres dl turism. Ulà ie pa l drë balanz per ruvè a na drëta cumpetënza de duta la pertes, y nce tl nteres de duc?
Animé la vita de cumenanza trajan ite la jënt a dì la sia sun temesc desferënc, chësc ie l fin dla scumenciadiva Forum Sëlva. Uni un po’ y dëssa dì la sia tl cuntest de ancuntedes publiches y la mëises turondes daviërtes ala populazion de duta la valeda raprejënta n mumënt de cunfront mpurtant.
I ghesc reladëures nviëi ie l ambolt de Sëlva Peter Mussner, nstëss operadëur turistich y paur, Siegfried Mussner, paur de Sëlva, Ezio Prinoth, ost y raprejentant dl turism y Christian Stuflesser dla lia natura y usanzes.
Tres la sëira mëina Lukas Plancker dla lia culturela Tublà da Nives.
Cunzert cun strumënc da percuscion
Am 26. September 2010 wurde der “Tublà da Nives” feierlich eingeweiht. Wolkensteins
Autoritäten beim traditionellen Bandschnitt. Von links nach rechts:
EX-Bürgermeister Roland Demetz, Bürgermeister Dr. Peter Mussner,
Gemeindereferent Prof. Dietrich Mussner (+) und Landesrat Dr. Florian
Mussner
tlo iel cultura
Cuntat
Lia culturela Tublà da Nives
Streda Nives 6
39048 Sëlva, Gherdëina
Talia
P. I.V.A.: 94116900211
info@tubladanives.it
Newsletter
